Хаартыска: М.Герасимова ыытта
Ставрополь сценатыгар үс кун устата Арассыыйа уонна Беларусь Өрөспүүбүлүкэтин патриотическай ырыаны толорооччулара күөн көрүстүлэр. Манна “Саллаат кэмбиэрэ – 2024” байыаннай-патриотическай ырыа ХХХІ норуоттар икки ардыларынааҕы бэстибээл-куонкуруһа үрдүк таһымнаахтык, өрө көтөҕүллүүлээхтик ыытылынна. Бу куонкурус кэмигэр эмиэ биир үөрүүлээх сонун Саха сирин тилийэ көттө.
Ол курдук, балаҕан ыйын 5 күнүгэр, бу куонкуруһу үөрүүлээхтик сабыы сиэрэ-туома буолбут. Манна вокальнай кэлэктииптэр ортолоругар Ю.Е.Платонов аатынан Саха Өрөспүүбүлүкэтин Эстрада судаарыстыбаннай тыйаатыра иккис степеннээх лауреат аатын ылла.
“Опероли” (Москва) дуэт Гран-при буолла. Бастакы истиэпэннээх лауреат аатын “45 – Параллель” (Ставрополь), үһүс истиэпэннээҕи – “123 Полк!” (Луганскай Норуодунай Өрөспүүбүлүкэ) ыллылар.
Биһиги вокалистарбыт “Баллада о солдате” ырыаны олус долгутуулаахтык толорбуттар. Эстрада тыйаатырын дириэктэрэ Татьяна Чаранская бэлиэтээбитинэн, бу ырыанан Аҕа дойду Улуу сэриитигэр тыыннарын толук уурбут саха саллааттарын ахтан-санаан ааспыттар.
Саамай кэрэхсэбиллээҕэ диэн, бэстибээл-куонкурус сабыллыытыгар Саха сирин вокальнай кэлэктиибэ Василий Еремеев тылыгар уонна муусукатыгар “Биһи баарбыт Сахалар” ырыаны толорбутун көрөөччүлэр ытыс тыаһынан доҕуһуоллаабыттар.
Онон хормейстер Наталья Стручкова салалталаах Саха сирин Эстрада тыйаатырын вокальнай ансаамбыла иккис истиэпэннээх лауреат буолан, олоччу саҥа таһымҥа таҕыста.
Бу патриотическай түһүлгэ кэмигэр Аҕа дойду Улуу сэриитин кыттыылаахтарын кэриэстээтилэр, сибэкки дьөрбөтүн уурдулар. Ону тэҥэ сцена бастыҥ маастардарын кытта уопут атастастылар. Бэстибээл-куонкурус кыттыылаахтарын кытта бииргэ Ставрополь куорат аллеятыгар мас олортулар.
Онон ырыаһыттарбытын үрдүк ситиһиилэринэн эҕэрдэлиибит!
Сэтинньи саҕаланна да, Өктөөп идеяларын өрө тутан кэлбит оҕо, эдэр сааспыт күргүөмнээх күннэрэ хайдах да…
Үөрэх этэринэн, киһи орто сааһа 120 сыл диэн да, дьиҥэ, олохпут итинтэн быдан ырааҕынан кылгас. Быраастар,…
Сыл ахсын сэтинньи саҥатыгар Арассыыйа бары эрэгийиэннэригэр "Ускуустуба түүнэ" диэн аахсыйа ыытыллар. Тэрээһин Норуоттар сомоҕолоһууларын…
Мүөттээх бальзам 500 г. грецкэй эриэхэни, 300 г. мүөтү, 100 г. алоэ сүмэһинин, 4 лимону…
Сарсын, сэтинньи 4 күнүгэр, Дьокуускайга трофейнай байыаннай тиэхиньикэ быыстапката арыллыаҕа. Бу күн биир сүрүн тэрээһининэн…
Владивостокка буолбут Уһук Илиҥҥи хуор олимпиадатыгар "Кыра оҕолор хуордара" номинацияҕа кыттан, "Туймаада эрэлэ" дипломунан уонна үрүҥ…