Хаартыска: Эстрада тыйаатыра
2024 сыл Саха сиринээҕи Эстрада судаарыстыбаннай тыйаатырыгар үчүгэй сонуннартан саҕаланна. Ю.Е.Платонов аатынан Эстрада судаарыстыбаннай тыйаатыра Musical Universe, ГИТИС уонна Москонцерт “Выходные мюзикла” киэҥ хабааннаах холбоһуктаах бырайыагар кыттарын туһунан иһитиннэрии кэллэ.
Бырайыак сыала-соруга – дойдуга мюзикл араас хайысхатын көрөөччүгэ тириэрдии. Көрөөччүлэр араас куораттар тыйаатырдара, продюсердар кииннэрэ уонна айар холбоһуктара туруорбут араас нүөмэрдэрин, ону таһынан Арассыыйа артыыстара кыттыылаах кэнсиэртэри, мюзикллары билсиэхтэрэ.
“Выходные мюзикла” ону сэргэ уопуту атастаһарга, хардарыта бииргэ үлэлииргэ аналлаах былаһаакканан буолуоҕа.
Саха сирин эстрадатын тыйаатырыттан эдэр артыыстр Людмила Грязнухина-Люси, Михаил Рожин уонна Долун Борисов мюзикл бэстибээлигэр аан бастаан кыттыахтара. Москонцерт Холла сыанатыгар “Алыптаах таҥас” (“Чудный костюм”) мюзиклтан 10 мүнүүтэлээх быһа тардыыны сахалыы тылынан көрдөрүөхтэрэ.
Бу испэктээк хас да сыллааҕыта Саха сирин култууратыгар улахан сэргэхсийиини таһаарбыта. Оттон билигин саҥа таһымҥа тахсарыттан олус үөрэбит уонна киэн туттабыт.
Ырыалар инсценировкаларын уонна тиэкистэрин ааптара Ангелла Попова, композитор Егор Ефимов, режиссер Татьяна Чаранская, сахалыы тылга Мария Герасимова тылбааһа.
Бэстибээл Москваҕа олунньу 17-18 күннэригэр ыытыллыаҕа.
Бырабыыталыстыба бэрэссэдээтэлин солбуйааччы уонна Уһук Илиҥҥи федеральнай уокурукка бэрэсидьиэн боломуочуйалаах бэрэстэбиитэлэ Юрий Трутнев Магадаҥҥа эрэгийиэннэр…
Бэҕэһээ, муус устар 20 күнүгэр, Дьокуускайга Намныыр суол 14-с км биэс массыына кыттыылаах суол саахала…
Ытыктабыллаах өрөспүүбүлүкэ муниципальнай тэриллиилэрин салайааччылара уонна дьокутааттара! Ытыктабыллаах бэтэрээннэр уонна муниципальнай сулууспа үлэһиттэрэ! Саха Өрөспүүбүлүкэтин…
Өрөспүүбүлүкэ күнүгэр, муус устар 27 күнүгэр, Ил Дархан Айсен Николаевы кытта "Быһа лииньийэ" ыытыллыаҕа. Эпиир…
Саха сириттэн сылдьар Ольга Ситникова бодибилдиҥҥа Уһук Илин чөмпүйэнээтигэр ситиһиилээхтик кытынна. Кини "Велнес" номинация кыайыылааҕынан…
Саха сиригэр ааспыт сууккаҕа уон буруйу оҥоруу буолбутун туһунан СӨ Борокуратуурата иһитннэрэр. Үөһээ Бүлүү улууһугар…