Хаартыска: Эстрада тыйаатыра
Эстрада судаарыстыбаннай тыйаатыра үөрүүлээх сонуну тутта.
Ол курдук, Саха Өрөспүүбүлүкэтин үтүөлээх артыыһа, Эстрада тыйаатырын ырыаһыта Павел Семенов Москватааҕы “Поколение” оҕо мусукаалынай-дыраама тыйаатырын “Рубеж героев” испэктээгэр оонньуур артыыстар састааптарыгар киллэрилиннэ.
“Биһиги тыйаатырдарбыт бииргэ үлэлээһиннэрин туһунан кэпсэтии үс сыл устата барбыта уонна дьэ, биһиги баҕа санаабыт туолла. Павел Семенов Аҕа дойду Улуу сэриитигэр Кыайыы 80 сылыгар аналлаах 2025 сыллааҕы туруорууларга саха байыаһын оруолугар бигэргэннэ.
«Рубеж героев» испэктээк суруйааччы Василь Быков дьиҥнээх буолбут түбэлтэлэргэ олоҕуран суруйбут “Үһүс ракета” сэһэнин матыыбынан туруорулунна”, — диэн Эстрада тыйаатырын пресс—сулууспата иһитиннэрдэ.
Испэктээк аан бастаан 2025 сыл олунньу 23 күнүгэр Москва сыанатыгар көрдөрүллүөҕэ.
Байбал Семенов оскуолаҕа сылдьан “Биэстэ эстэр бинтиэпкэм», “Мин мантан сэриигэ барбытым” уо.д.а. патриоттуу тыыҥҥа иитэр ырыалары толороро. Эстрада тыйаатырын үгүс испэктээгэр, ол иһигэр сүрүн оруолларга, оонньуур талааннаах артыыс. Кинини көрөөччүлэр “Ырыа туохтан үөскүүрүй?”” кэнсиэркэ, “Учууталга”, “Сүрэх тэбэрин тухары”, “Киристэпиэл” уо.д.а. испэктээктэргэ оруолларынан билэллэр.
Бүгүн, муус устар 21 күнүгэр, Саха сирин сорох улуустарыгар +15 кыраадыс буолара күүтүллэр диэн УГМС…
Күн бэҕэһээҥҥэ диэри сүүрэ-көтө, кэпсэтэ-ипсэтэ, мэлдьи солото-бокуойа суох элэстэнэ сылдьыбыт үөлээннээҕим да буолбатар, бэккэ билэр,…
Хаҥалас пиэрмэрэ татаар суруналыыстарыгар күөрчэх ытыйтарда, сыр буһартарда Өҥ сирдээх Хаҥалас улууһун Хоточчутугар Татарстаантан кэлбит…
Өрөспүүбүлүкэ ойуур баһаарын утары охсуһар күүһүн-кыаҕын сыллата улаатыннаран, кэҥэтэн иһэр. Былырыын РФ Бэрэсидьиэнэ Владимир Путин…
Биһиги аҕабыт Иванов Спиридон Дмитрьевич 1917 сыллаахха Арҕаа Хаҥалас улууһугар Өктөм нэhилиэгэр дьадаҥы бааhынай кэргэҥҥэ…
Бүгүн, муус устар 20 күнүгэр, Дьокуускайга Арчы дьиэтигэр уочараттаах Кыайыы Оһуокайа өрө көтөҕүллүүлээхтик ыытылынна. Бу…