Эт-хаан эчэйиитин оҥорбут киһи ким буолара билиннэ

Дьокуускай куоракка холуобунай ирдэбил үлэһиттэрэ  эт-хаан эчэйиитин оҥорууга уорбаланар киһини туттулар.

Сэтинньи 1 күнүгэр ИДьМ Дьокуускайдааҕы салаатын полиция 2 нүөмэрдээх отделыгар мэдиссиинискэй  тэрилтэттэн эт-хаан  эчэйиитин ылбыт 18 саастаах уол балыыһаҕа киирбитин туһунан иһитиннэрии киирбит.

Быһылаан тахсыбыт сиригэр полиция силиэстийэлиир-суһал  бөлөҕө тиийбит.  Суһал-ирдиир  үлэ кэмигэр  холуобунай ирдэбил үлэһиттэрэ үөрэх кыһатын 18 саастаах устудьуона туһааннаах дьыалаҕа уорбаланарын быһаарбыттар.

Чугастааҕы кэмҥэ холуобунай дьыала матырыйааллара Силиэстийэлиир кэмитиэккэ бэриллиэхтэрэ диэн ИДьМ пресс-сулууспата иһитиннэрдэ.