Этэрбэһи хайдах харайабыт?

Сотору тыс этэрбэспитин уһулан уурар кэммит кэлиэҕэ. Төһө да тыа сиригэр олордорбун, этэрбэһи харайыыны билбэт эбиппин. Аанньа, сөпкө харайбакка, хатаран эҥин кэбиһэбит.

Ыйытыыга Харыйалаахтан “Өлөөн” МУП иистэнэр сыаҕын сэбиэдиссэйэ Роза Томская маннык хоруйдаата:

— Мин бэйэм хлопоктан тигиллибит (“хб”) мөһөөччүккэ эбэтэр таҥаска суулаан хортуон дьааһыкка уурабын. Cиигэ суох, кураанах сиргэ кыладыапкаҕа. Өйдүүр инигит, урут дьон этэрбэстэрин анаан-минээн сиик ылбат сиригэр сундуукка ууралларын. Билигин ханна даҕаны тыс этэрбэс сыаната ыараата, онон үчүгэйдик, сөпкө харайдахпытына, өр кэтиэхпит.