Этэрбэстэри уорар кыыс тутулунна

22 саастаах устудьуоҥка этэрбэстэри уорар эбит. Уоруу уопсай суумата 200 тыһыынча солкуобайтан тахсыбыт. Бу туһунан СӨ борокуратууратын пресс-сулууспата иһитиннэрэр.

Мэдиссинэҕэ сыһыаннаах үөрэх тэрилтэлэрин 4 устудьуоҥката араас кэмҥэ унтуубутун уордулар диэн хаста да полицияҕа тыллаабыттар. Кинилэр этэллэринэн, быраактыкаларын кэмигэр этэрбэстэрин гардеробка хааллараллар эбит. Онуоха кыыс эрдэттэн уорарга былааннанан кэлэн, анал суумка аҕалан, онно уган таһаарар эбит.

Балары кини кэлин биллэрии биэрэн, атыылыыр уонна кирэдьииттэрин сабарга ыытар эбит. Силисэтийэ түмүгүнэн, атыыламмыт унтуулар бары булулуннулар уонна былдьаннылар.

Дьокуускай куоракка олорор кыыска ХК 158 ыстатыйатын 2 ч. («Уоруу») холуобунай дьыала тэрилиннэ. Кыыс ханна да атын сиргэ барбатын туһунан баппыыскаҕа илии баттанна диэн ИДьМ пресс-сулууспата иһитиннэрэр.