Этиһии улахан эчэйиинэн түмүктэммит

Дьокуускай куорат борокуратуурата киин куорат олохтооҕун холуобунай дьыалатыгар буруйдуур быһаарыытын таһаарда.

Силиэстийэ көрдөрүүтүнэн, 2023 сыл кулун тутарга элбэх кыбартыыралаах дьиэ подъеһыгар этиһэн баран эр киһини атаҕынан кирилиэстэн тэбэн түһэрбит, салгыы төбөтүн атаҕынан тэбиэлээбит, ол курдук улахан эчэйиини таһаарбыт.

Буруйданааччы буруйун толору билиммит. Холуобунай дьыала суут көрүүтүгэр ыытылынна диэн СӨ Борокуратууратын пресс-сулууспата иһитиннэрэр.