Ааптар хаартыскаҕа түһэриитэ
Бу күннэргэ Чурапчы улууһугар Саха Өрөспүүбүлүкэтин Бырабыыталыстыбата ааспыт сыллааҕы үлэтин отчуоттуур, нэһилиэнньэ бүгүҥҥү күннээх олоҕун билсэр.
Кулун тутар 1 күнүгэр улуус дьаһалтатын мунньахтыыр саалатыгар тыа хаһаайыстыбатын үлэһиттэриниин мунньах буолла. Эрдэ диэбэккэ улуус бары нэһилиэктэриттэн ТХПК, бааһынай, чааһынай хаһаайыстыбалартан бэрэстэбиитэллэр сааланы толору муһуннулар.
Бырабыыталыстыба бэрэссэдээтэлэ Андрей Тарасенко, Тыа хаһаайыстыбатын миниистирэ Александр Атласов өрөспүүбүлүкэҕэ тыа хаһаайыстыбатын салаатыгар үлэ ааспыт сыллааҕы көрдөрүүлэрин, ол иһигэр Чурапчы улууһугар, иһитиннэрии оҥордулар, инники соруктары билиһиннэрдилэр. Инники сыллары кытары тэҥнээһиннээх, элбэх ырытыылаах этиилэрин мустубуттар сэргээн иһиттилэр. Элбэх ыйытыылар киирэн министиэристибэ тустаах салааларын бэрэстэбиитэллэринэн эппиэттэннилэр.
Барыта 10 киһи тыл этиитигэр кыттыыны ылла. Кинилэр сүрүннээн анал бырагыраамаларга киириигэ ирдэбиллэри (критерийдэри) саҥардан биэрэргэ, квоталары элбэтэргэ, тиэхиньикэ атыылаһыытыгар, уматыгынан хааччыныыга, саҥа тутуулары ыытыыга чэпчэтиилэри көрөргө, исписэлиистэр хамнастарын үрдэтиигэ, өртөөһүнү көҥүллүүргэ, үбүлээһин кэмигэр кэлиитигэр этиилэрин киллэрдилэр, туруорустулар.
Улуус баһылыга Степан Саргыдаев улууска тыа хаһаайыстыбатын сайыннарыыга ылыллыбыт бырагырааманы, чуолаан чугастааҕы икки сылга бородууксуйаны үрдэтиигэ, сүөһү, сылгы ахсаанын элбэтиигэ, сири кытары үлэҕэ былааннары билиһиннэрэн туран балары олоххо киллэриигэ бырабыыталыстыба өйүүрүгэр, көмөлөһөрүгэр көрдөстө.
Бырабыыталыстыба бэрэссэдээтэлэ Андрей Тарасенко мунньах кыттыылаахтарын этиилэрэ учуоттаныахтара диэтэ. Чурапчылар кыһамньылаах үлэлэрин иһин махтанна. Инникитин сүөһү, сылгы аһылыгын миэстэттэн булунарга, битэмииннээх, иҥэмтэлээх үүттэн оҥоһуллар астарынан, этинэн бэйэ иһиттэн хааччынарга үлэлииргэ эттэ, сорук туруорда.
Алексей Слепцов,
Чурапчы.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…