Этиҥнээх ардах, күүстээх тыал түһэрэ күүтүллэр
![](https://sakha-sire.ru/wp-content/uploads/2024/05/sajyn2-900x596.jpg)
Бүгүн, от ыйын 16 күнүгэр, Саха сирин арҕаа, киин, соҕуруу улуустарынан быстах ардыыра, сорох сиринэн этиҥнээх ардах түһэрэ күүтүллэр.
Хоту, хотугулуу-илин сөҥүүтэ суох, күнүс хотугулуу-арҕаа быстах этиҥнээх ардах түһүөҕэ. Арҕаа, илин, киин улуустарынан сорох сиринэн ойуур баһаарын буруота тарҕаныа. Кыралаан тыаллаах, этиҥнээх ардах кэмигэр, хотугулуу-арҕаа сөкүүндэҕэ 15-20 миэтэрэ түргэннээх күүстээх тыал түһэрэ сылыктанар.
Салгын температурата түүн +12+17°С, хотугулуу-илин +5+10°С, хоту муора кытылынан +2+7°С. Күнүс +27+32°С, ардах түстэҕинэ уонна Халымаҕа +18+23°С, хоту муора кытылынан +5+10°С кыраадыс сылаас.
Дьокуускайга күнүс быстах ардах түһэрэ сабаҕаланар, соҕуруулуу-илинтэн сөкүүндэҕэ 3-8 миэтэрэ түргэннээх тыаллаах, күнүс сөкүүндэҕэ 15-20 миэтэрэ түргэннээх күүстээх тыалырыа. Салгын температурата түүн +15+17°С, күнүс +28+30°С кыраадыска диэри итийиэ.
Сообщить об опечатке
Текст, который будет отправлен нашим редакторам: