Этиҥнээх ардах, тобурах түһэрэ күүтүллэр

Сарсын этиҥнээх ардах, тобурах, тыал түһэрэ күүтүллэр диэн иһитиннэрэллэр.

Күнү-дьылы кэтээн көрөөччүлэр иһитиннэрбиттэринэн, өрөспүүбүлүкэ арҕаа, соҕуруу, киин улуустарыгар, Өлүөнэ алын тардыытынан, Дьааҥыга ардахтаах, киин, соҕуруу улуустарга сорох сиринэн этиҥнээх, дохсун самыырдаах буолуо, тобурахтыа дииллэр.

Арҕаа, соҕуруу, хоту диэки сөкүүндэҕэ 9-14 м тиийэ, этиҥнээх ардахха сөкүүндэҕэ 15-20 м тиийэ тыалырыа. Арктика кытылынан сөкүүндэҕэ 17-22 м тиийэ тыалыа. Түүн +12+17°,  өрөспүүбүлүкэ арҕаа, илин өттүгэр +7+12°, хоту +1+6°, кытылынан -2,+3°, күнүс +22+27°,  соҕуруу диэки +28+33°, арҕаа +18+23°, хоту+12+17°, сорох сиринэн +9+14°, Арктика кытылынан +1+6°.

Онтон Дьокуускайга быстах ардахтаах, сарсыарда этиҥнэниэ, түүн соҕуруулуу-илинтэн, күнүс арҕааттан сөкүүндэҕэ 4-9 м., этиҥнээх ардахха сөкүүндэҕэ 15-20 м тиийэ тыалырыа, күнүс +23+25° кыраадыс буолуо диэн иһитиннэрэллэр.