Мария Данилова хаартыскаҕа түһэриитэ
Дьокуускайга Ф.И. Авдеева аатынан Оҕо айымньытын дыбарыаһыгар өрөспүүбүлүкэтээҕи «ЭтноДьоҕур-2025» оҕо сатабылын тургутар чөмпүйэнээт буолан ааста.
Бу чөмпүйэнээт «Эдэр профессионаллар» Бүтүн Арассыыйатааҕы хамсааһын иитинэн өрөспүүбүлүкэҕэ ыытыллар буолбута быйыл бэһис сыла.
Күрэс биэс араас хайысханан ыытылынна. Ол курдук, өбүгэ төрүт дьарыктарыттан сиэлинэн оҥоһукка уонна кыбытыылаах тигиигэ, ону таһынан туойтан оноһукка, уруһуйга уонна хатайдаан ону-маны оҥорууга. Манна улуустартан уонна куорат оскуолаларыттан уопсайа 51 оҕо күрэхтэстэ.
Биһиги улуустаан кылынан оҥоһукка Мээндиги оскуолатын 7 кылааһын үөрэнээччитэ Данилова Динара кытынна. Кини иккис миэстэни ылан барыбытын улаханнык үөртэ. «Кыбытыылаах тигиигэ» Соморсун оскуолатын 5 кылааһын үөрэнээччитэ Готовцева Юрина ситиһиилээхтик кытынна,. Улахан күрэскэ бэйэтин холонон көрдө. «Көнө, бытархай сииктээх кыыс» диэн сэҥээриллэн улаханнык астынан, үөрэн кэллибит.
Икки күнү быһа ыытыллыбыт тэрээһин чэрчитинэн бу чөмпүйэнээт ааптара, эбии үөрэхтээһин педагога, норуот маастара, учууталлар учуталлара Данилова Татьяна Осиповна-Айаана ааптарыскай сэминээрэ уонна сабыс-саҥа «Утум» диэн өр сыллаах үлэтин уопутун арыйар, тарҕатар кинигэтин сүрэхтэниитэ буолла. Сэминээргэ элбэх саҥаны билэн, эбиитин номнуо үлэһит буолбут үөрэнээччилэрин маастар кылаастарыгар сылдьан бары элбэҕи биллибит, эбиннибит. Саҥа хайысхалары билистибит.
Бу «ЭтноДьоҕур» күрэхтэһиини атын дойдулар сэҥээрэн, кыттыыны ыланнар, чөмпүйэнээт норуоттар икки ардыларынааҕы таһымнаммыта бу бырайыак оҕо сайдыытыгар улахан суолталааҕын көрдөрдө. Маннык улахан туһалаах, кэскиллээх уонна далааһыннаах тэрээһиҥҥэ биһиги улууспутуттан эһиил кыттаачы элбииригэр баҕарабыт.
Сардана Борохина, эбии үөрэхтээһин педагога,
«Утахчаан» куруһуок салайааччыта,
О.П.Иванова-Сидоркевич аатынан айар сайдыы киин Соморсуннааҕы филиала
Мария Герасимова-Сэҥээрэ – норуот фольклоругар бөдөҥ исписэлиис, доҕотторо ытыктаан ааттыылларынан Ийэ чабырҕахсыт, чабырҕаҕы, олоҥхону, оһуохайы…
Ааҕааччыларбытыттан ыйытыылар киирэ тураллар. Соторутааҕыта быыһыгар маҥаннаах таба этин видеоҕа устубуттар этэ. Ону көрбүт дьонтон…
Бүгүн, сэтинньи 9 күнүгэр, Өлүөхүмэ улууһугар аналлаах оһуохай түһүлгэтэ бэрт тэрээһиннээхтик ааста. Куоракка олорор өлүөхүмэлэр…
Сэбиэскэй кэмҥэ эдэр ийэ-аҕа буола сылдьыбыт төрөппүттэр кырачаан оҕоҥ сылайдаҕына эбэтэр атаахтааҕына уоскута түһэргэ оҕо…
Бэҕэһээ, сэтинньи 8 күнүгэр, 35-гэр диэри саастаах быраастар, мэдиссиинэ сиэстэрэлэрэ, доруобуйа харыстабылын эйгэтин үлэһиттэрэ Николаев-Кииҥҥэ…
Саха тапталлаах ырыаһыта, ырыа айааччы, СӨ үтүөлээх артыыската Тамара Попова сыанаҕа тахсыа эрэ кэрэх, көрөөччүлэр…