“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.
Сэрии диэн ыар да тыл…
Хаарыан хампа хатыҥнарбыт
Ып-ыраас уулаах күөллэрбит, алаастарбыт.
Төрүттэрбит олорон ааспыт сайылыктара,
Сайдар үүнэр куораттарбыт,
Дьоһун- мааны дойдум дьоно,
Харысхал көрдүүр кэмнэрэ эмиэ тиийэн кэллэҕэ.
Халлааммыт кытары,
Хараастан, харах уутун саната
Ардаҕынан кутан ылла.
Улуу Өлүөнэ өрүспүт,
Тыйыhыра дьиппиэрдэ.
Арай мин кынаттааҕым буоллар дуу.
Кистии уктуом этэ.
Оҕолорбун, сиэннэрбин,
Дойдум дьонун барытын.
Ааҥнаан кэлбит иэдээнтэн,
Араҥаччылаан, харыстаан,
Саһыарыахпын баҕардым.
Сэрии хаҕыс салгына
Таарыйбакка аастар дуу.
Сахам хоодуот уолаттара,
Түмсэ түһэн, хомуллан,
Дойдубутун көмүскүү туруннулар сэриигэ.
Охтоохтон охтумаҥ,
Саалаахтан самнымаҥ!
Дойдугут, дьоҥҥут-сэргэҕит алгыстара
Араҥаччылыы турдун эһигини!
Харахтарын уутунан,
Суумматыннар ийэлэр.
Оһохторун уота умуллубатын,
Эдэркээн ыаллар.
Сэрии тулаайахтара диэн ааты,
Сүкпэтиннэр кырачааннар.
Кыргыс, сэрии толоонуттан,
Төнүннүннэр кыайыынан!
Аал уоппут оттуллан,
Иччилэннин алаһа дьиэбит.
Оҕо саҥата чугдаардын,
Оһуохай тыла дьиэрэйдин!
Дойду, дойду аайытын
Уруй айхал дуорайдын!
Саҥа дьыллааҕы түүн биэс уол уонна үс кыыс күн сирин көрдүлэр. Бу туһунан өрөспүүбүлүкэ Ил…
Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…
Саҥа дьыл бырааһынньыгын иннинэ Саха сириттэн сылдьар байыаннай дьайыв байыастапа өрөспүүбүлүкэттэн Саҥа дьыллааҕы бэлэхтэри туттулар.…
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…