Евдокия Попова сахалыы ырысыаптардаах видео-кинигэтэ сүрэхтэннэ

Share

Этно блогер, урбаанньыт, «Уютно» иһит маҕаһыын хаһаайката Евдокия Попова бырааһынньыгы уонна күннээҕи да остуолу киэргэтэр минньигэс астардаах үһүс кинигэтэ бүгүн, олунньу 27 күнүгэр, өрөспүүбүлүкэтээҕи Медиакииҥҥэ сүрэхтэннэ.

Пресс-кэмпириэнсийэни продюсер Елена Аммосова олус сэргэхтик  ыытта. Ону таһынан  хаартыскаҕа түһэрээччи Кэрэли уонна   кинигэ дизайнера Тимир Кириллиннэр кыттан, киэҥ кэпсэтии таҕыста. Кинилэр кинигэҕэ хайдах ылсан үлэлээбиттэрин туһунан кэпсээтилэр.

Евдокия Попова ас астааһыҥҥа хайыы үйэ үһүс кинигэтэ ((Я+мама=вкусная еда”, “Осенние заготовки”, “Готовим с Евдокией”). «Буруолуу сылдьар» «Офсет» типографияҕа бэчээттэммит   торт уонна десерт ырысыаптарыгар аналлаах “Минньигэс”  интерактивнай кинигэ 150 лиистээх,  хас биирдии ырысыап хаачыстыбалаах кырасыабай хаартыскаларынан ситэриллибит, ону сэргэ ырысыаптары видеоҕа көрүөххэ сөп.

Икки оҕо амарах ийэтэ сахалыы тыллаах блогердартан биир саамай элбэх ааҕааччылаах, көрөөччүлээх, ол эбэтэр социальнай ситимнэргэ  65 тыһыынча сурутааччылаах. Аһылыгы астыырга уопсайа 18 000  кинигэни атыылаабыт.

Евдокия кинигэ бэчээттээһиҥҥэ хайдах ылсыбытын туһунан ыйытыыга дьон махталыттан, үтүө тылыттан уонна тиһигин быспакка  киирэ турар  сакаастартан  санаата кынаттанан, атын ас арааһын астыырга, остуолга киэргэтэн уурарга ылсыбытын туһунан кэпсээтэ. Кини онлайн-бырайыактарын атыылаан, «Уютно» диэн иһит маҕаһыынын арыйбыта.

2016-2022 сылларга кондитер быһыытынан үлэлээбитим. Бу сыллар тухары хомуйбут, мунньубут  ырысыаптарбын, билиибин, үөрүйэхпин түмэн оҥордум. Ол билиим халтайга хаалыан баҕарбакка,  дьон-сэргэ туһанарын курдук оҥордум. Ырысыаптар да судургулар. Холобур, хоту ыраах олорор дьон ырысыап састаабын барытын толору булар кыахтара суох. Онон, өйдөнүмтүө уонна хас биирдии киһиэхэ табыллар ырысыаптары киллэрдим.  Онон, көлүөнэттэн көлүөнэҕэ бэриллэр кинигэ буолуон баҕарабын. Сахалыы толкуйдаан, өбүгэ үгэһин үйэтитэргэ сэмэй кылааппын киллэрэрбиттэн үөрэбин», — диэн  “Минньигэс” кинигэ ааптара кинигэни атыылаһарга, тускутугар туһанарга ыҥырда.

Кинигэ сүрэхтэниитигэр Евдокия олоҕун аргыһа, баар-суох көмөлөһөөччүтэ кинигэҕэ үлэлэспит уонна бүгүҥҥү ыалдьыттарга махтанна. Ону сэргэ Евдокия оҕолоро, төрөппүттэрэ, аймахтара кэлэн кини үөрүүтүн үллэһиннилэр.

Recent Posts

  • Сонуннар
  • Чэгиэн

Нерюнгрига офтальмология балыыһатын салаата аһылынна

Бүгүн, атырдьах ыйын 30 күнүгэр, офтальмология өрөспүүбүлүкэтээҕи балыыһатын салаата – офтальмология Соҕуруу Саха сиринээҕи киинэ…

30 минут ago
  • Сонуннар
  • Үөрэх

Оҕоҥ оскуолаҕа барарга бэлэм дуо?

Өрөспүүбүлүкэ оскуолаларыгар үөрэх дьыла саҕаланара бу кэллэ. Үөрэхтэн, оскуолаттан сайын устата тэйэ быһыытыйбыт оҕолор саҥа…

46 минут ago
  • Сонуннар
  • Сүрүн

Арассыыйа чөмпүйэнээтэ: 100 км сүүрүүгэ кыайыылаахтар

Дьокуускайга бүгүн, атырдьах ыйын 30 күнүгэр, аан бастакытын  100 км сүүрүүгэ Арассыыйа чөмпүйэнээтэ ыытылынна. Дьахталларга…

1 час ago
  • Сонуннар
  • Уопсастыба
  • Үөрэх

Саҥа үөрэх дьылыгар киирэргэ оскуолалары бэрэбиэркэлээтилэр

Саха сиригэр 2025 сыл балаҕан ыйын 1 күнүттэн 629 уопсай үөрэхтээһин тэрилтэтэ үлэтин саҕалыаҕа. 152…

1 час ago
  • Сонуннар
  • Уопсастыба

Социальнай чэпчэтиинэн хайдах туһанаҕын?

Арассыыйаҕа, ол иһигэр Саха Өрөспүүбүлүкэтигэр, социальнай өттүнэн харысхала суох нэһилиэнньэни өйөөһүн — судаарыстыба сүрүн соруктарыттан биирдэстэрэ.…

2 часа ago
  • Быһылаан
  • Сонуннар
  • Уопсастыба

Чааһынай дьиэттэн малы-салы уордулар

Дьокуускай куоракка полиция 1 отделын дьуһуурунай чааһыгар чааһынай дьиэтиттэн малын-салын уордарбыт олохтоох киһиттэн сайабылыанньа киирбит.…

2 часа ago