Хаартысканы Тускулаана Горохова-Кобельянова тиксэрдэ
Дуунньукка — бу кини таптал аата. Балтым Евдокия Дьокуускайдааҕы Култуура уонна урамньы кыһатын төрүт култуура салаатын ситиһиилээхтик бүтэрэн, саха норуотун уус-уран айымньытын тарҕатааччы, толорооччу, уһуйааччы, сайыннарааччы.
Оҕо сылдьан аҕатыгар, мин таайбар Владислав Максимовка куруутун кэнсиэр көрдөрөр идэлээх этибит. Онуоха онно туох эрэ саҥаны толорор буоллахпытына хайаан да Дуунньукаҕа үөрэтээриҥ диэн сорудахтыыра, бу диэн үөрэппиппин өйдөөбөппүн гынан баран, сүбэлээбитим син баар буолуо. Кини Мэҥэҕэ бэркэ үлэлии сылдьыбыта, Олоҥхо ыһыаҕын аайы көрсөн Сунтаарбар ымсыыра саныырым, ханнык да тэрээһиҥҥэ бэйэтэ, уһуйуллааччылара үрдүк ситиһиилээх буолаллара. Онтон кэккэ түгэнинэн дойдутугар Элгээйигэ кэлэн олоҕо соргуланна уонна саргыланна диэтэхпинэ сыыспаппын. Былырыын Туймаада ыһыаҕар Далбар этээччи үрдүк аатын ылан аймахтар, сунтаардар, элгээйилэр улахан үөрүүнү билбиппит. Кини Элгээйитээҕи «Оһуор» КК иһинэн «Дьүһүйүү» фольклорнай ансаамбыл тэрийэн Санкт-Петербург куоракка тиийэ араас хабааннаах күрэстэргэ кылааннар, бастакы үрдэл хаһаайыттарынан буолаллар.
Ансаамбыл хаһан эрэ сахалыы тыыннаах ырыаларынан килиип оҥорон сүргэбитин көтөхпүттэрэ, ырыалара-тойуктара эчи кэрэтиэн… Аны туран Изабелла Макарова — Толоон Туораҕа аныгы кэм олоҥхоһута буоларыгар кини улахан өҥөлөөх, тылын-өһүн, толоруутун чочуйан бастыҥ уһуйааччы. Аны Карина Попованы оһуокайга уһуйан эчи куолаһа, үҥкүүтэ астыгыан, киһи салҕыбакка истэр кэрэтэ. Дуунньукка дьуохара бэйэтэ туспа урамньы, хоһооно хомоҕойо, этэрэ кэрэтиэн, бэл Туймаада ыһыаҕар кини үҥкүүтүн батыһа сылдьан истэр дьоннор кытта бааллар, онтон биирдэстэрэ убайбыт Сергей Максимов.
Билигин Евдокия «Оһуор» култуура киинин туруу үлэһитэ, икки уол оҕо тапталлаах ийэтэ, бастыҥ хаһаайка, оҕуруотчут, төрөппүттэрин кытта ынаҕы-сылгыны, көтөр арааһын тутан олорор тыа хаһаайыстыбатын өрө тутааччы. Дьиэтигэр ырааһа, дьаһахтааҕа, тобул толкуйдааҕа сөхтөрөр, бэл Москва курдук ыраах сиртэн кыһыл хортуоска сакаастаан аҕалан биир дойдулаахтарын, аймахтарын үүнүүлэрин өлгөмнүүр. Аны кулуупка солбуллубат визажист, кэрэ аҥаардар сэбэрэлэрин, суһуохтарын тупсаран, бэркэ оҥорор буолан тэрээһин буолла да сиэркилэ иннигэр киниэхэ уочарат. Дьэ, ити курдук балтым, биир идэлээҕим, СӨ култууратын туйгуна, биһиги киэн тутта ааттыыр кыыспыт хас да кырыылаах алмаас, өссө да күлүмүрдүүр дьоҕура тахсан, сайдан иһэриттэн үөрэбин уонна астынабын!
Тускулаана ГОРОХОВА-КОБЕЛЬЯНОВА
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…