Хаартыска: Дьулустаан Сергеев, СИА
Уус Алдан улууһуттан Евгений Алексеев Иннокентий Халдеев аатынан өрөспүүбүлүкэтээҕи турнир абсолютнай чөмпүйүөнэ титулун көмүскээтэ. Кини карьератыгар ахсыс төгүлүн чөмпүйүөн аатын сүктэ. Атын ыйааһыннарга абсолютнай чөмпүйүөннэринэн Кэбээйи улууһуттан Иван Семенов, Үөһээ Бүлүүттэн Платон Саввинов уонна Орто Халыматтан Иван Тарасов буоллулар.
Турнир олунньу 15-16 күннэригэр Бороҕон сэлиэнньэтигэр ыытылынна. Күрэххэ 270-чэкэ спортсмен күөн көрүстэ. Кыттааччыларр ортолоругар 75 кг диэри, бэтэрээннэр уонна уолаттар ортолоругар абсолютнай чөмпүйүөннэри быһаардылар.
75 кг үөһэ ыйааһыннаахтарга Тумул сэлиэнньэтиттэн Евгений Алексеев бэйэтин үрдүк бэлэмнээҕин дакаастаата. Бастакы эргииргэ кини Чурапчыттан Николай Константиновы кыайда. Онтон кэккэ турнирдар абсолютнай чөмпүйүөнэ Никита Сафронову баһыйда. Финалга Алексеев Бүлүү улууһуттан сылдьар Николай Николаевы көбүөргэ иккистээн охтордо. «Интехстрой» хампаанньаттан киниэхэ 200 тыһыынча солкуобайдаах сүрүн бирииһи туттардылар. Николаевка кытыытын иһин бирииһи туттардылар.
75 киилэҕэ диэри ыйааһыҥҥа Кэбээйи улууһуттан Иван Семенов кыайыыны ситистэ. Былырыын Үөһээ Бүлүүгэ Тимур Николаевка хотторон, бу турнирга иккис буолбута. Ол гынан баран, бу сырыыга кини абсолютнайга тэҥнээҕин булбата. Бастакы көрсүһүүгэ Семенов Таатта улууһуттан абсолютнай чөмпүйүөн Егор Захаровы кыайда. Онтон 3:0 ахсаанынан Дьааҥыттан Егор Находкины кыайда. Кэбээйи спортсмена полуфинал бүтэһик сөкүүндэтигэр Уус Алдан улууһуттан Александр Иванову кыайда. Кини Иннокентий Халдеев иитиллээччилэриттэн 100 тыһыынча солкуобайдаах сүрүн бириис хаһаайынынан буолла.
Бэтэрээннэр ортолоругар Үөһээ Бүлүү абсолютнай чөмпүйүөнүнэн Платон Саввинов таҕыста. Финалга кинини кытта Дьааҥыттан төрүттээх Юрий Старостин эчэйии ылан кыайан тустубата. Саввинов финалга тахсар иһин өрөспүүбүлүкэ абсолютнай чөмпүйүөнэ Александр Румины кыайда. Ити курдук Халдеев аймахтарыттан 50 тыһыынча солк. Үөһээ Бүлүү спортсменыгар тигистэ.
Эдэрдэргэ абсолютнай күрэхтэһиигэ Уус Алдан оскуолатын иитиллээччитэ Орто Халыматтан Иван Тарасов Үөһээ Бүлүү улууһуттан Яков Сергеевы кыайда. Киниэхэ 30 тыһыынча солкуобай бирииһи туттардылар.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…