Дьокуускайга «ГТО-2024 оонньуулара» Уһук Илин аһаҕас Куубагын турнира түмүктэннэ.
«Кыайыы 50 сыла» успуорт дыбарыаһыгар от ыйын 18-20 күннэригэр ыытыллыбыт оонньууларга өрөспүүбүлүкэ 11 улууһуттан уонна куоратыттан – Дьокуускайтан, Алдантан, Ленскэйтэн, Бүлүүттэн, Намтан, Горнайтан, Мэҥэ Хаҥаластан, Уус Алдантан, Орто Халыматтан, Уус Майаттан, Өлүөхүмэттэн 125 атлет кыттыыны ылла.
Нам улууһуттан Евгений Дьячковскай 40-49 саастаах эр дьоҥҥо кыайыылааҕынан таҕыста. Күрэхтэһии 2 түһүмэҕинэн барда.
Бастакы түһүмэххэ атлеттар 10х10 м бириэмэҕэ челночнай сүүрүүгэ, 2 м уһуну 5 төгүл ыстаныыга, 10 төгүл анньыныыга, 15-тэ пресс хачайдааһыныгар, 16 киилэлээх гиирэни 30-та анньыыга, гиирэлээх 20 төгүл приседание оҥоруутугар, 10 төгүл тардыныыга күөн көрүстүлэр.
Иккис түһүмэххэ 15-тэ анньыныыга, 20-тэ приседаниелааһыҥҥа, 100 м харбааһыҥҥа бастыҥы быһаарыстылар.
Евгений Саха сирин сүүмэрдэммит хамаандатын састаабыгар киирэн балаҕан ыйын 2-8 күннэригэр Владивосток Русскай арыытыгар Илиҥҥи экэнэмиичэскэй пуорум чэрчитинэн ыытыллар III Уһук Илиҥҥи «ГТО-2024″ оонньууларын Куубагар кыттыыны ылыаҕа.
Евгений Нам улууһунааҕы силиэстийэлиир кэмитиэтин силиэдэбэтэлинэн 2006 сылтан үлэлиир диэн Нам улууһун дьаһалтатын пресс-сулууспата иһитиннэрэр.
Кини 2016 с. Нижегородской уобалас Кстово куоратыгар ыытыллыбыт Бүтүн Арассыыйатааҕы самбо чөмпүйэнээтигэр (бэтэрээннэргэ) – 3-с миэстэ, 2018 с. Смоленск куоракка ыытыллыбыт Арассыыйа бэтэрээннэргэ көҥүл тустууга – 2-с миэстэ, 2018 с. Наро-Фоминскайга ыытыллыбыт Арассыыйа грепплинг тустууга бэтэрээннэргэ – 2-с миэстэ, 2024 с. Владивостокка Уһук Илин Силиэстийэлиир кэмитиэттэр күрэхтэригэр 3 км сүүрүүгэ – 1-кы миэстэ, 2024 с. Туймаада ыһыаҕар хапсаҕайга – 2-с миэстэни ылары ситиспитэ.
Маны сэргэ Евгений элбэх өрөспүүбүлүкэтээҕи күрэхтэр кыайыылаахтарынан уонна призердарынан буолар.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…