Ангелина Васильева түһэриитэ
Дьокуускай куорат 392 сылыгар мээр Евгений Григорьев үгэс буолбут пресс-кэмпириэнсийэни ыытта.
Суруналыыстар куорат кыһалҕатынан араас ыйытыылары биэрдилэр.
Ленин проспегар саҥа оҥоһуллубут аспаал суол сиҥнибитин туһунан ыйытыыга маннык хоруйдаата:
— Бу сир иккис төгүлүн сиҥнэр. Чугаһынан баар коллекторга уу киирбит. Ханан эрэ сир аннынааҕы уу киирэр эбит. Онон билигин коллектор истиэнэтин бөҕөргөтөргө үлэ ыытыллар. Армированнай сиэккэнэн, тимир-бетон матырыйаалынан барыта үчүгэйдик оҥоһуллуоҕа.
‘»Куоракка соторутааҕыта 19 саҥа оптуобус бэриллибитэ. Былырыын оптуобустар айаннарын маршрута уларыйбыта. Билигин балаһыанньа хайдаҕый?» — диэн ыйытыыны биэрдилэр.
— Бүгүҥҥү күҥҥэ 260 оптуобус сүүрэ сылдьар. Аҥаардара — «ПАЗиктар». Кыһыл өҥнөөх саҥа оптуобустар сүрүннээн куорат таһыгар сылдьаллар. Лизинговай бырагырааманан ылыллыбыт тырааныспар төлөбүрүгэр ыарахаттар бааллар. Оптуобус сыаната үрдээтэ, былырыын 8 мөлүйүөн эбит буоллаҕына, билигин 15 мөлүйүөн солкуобай буолла. Маршруттары саҥардарга — урут-уруккуттан сүүрэр маршруттар бааллар. Ону уларыта охсор табыгаһа суох. Күһүн саҥа аукциону ыытыахпыт, бу саҥардыы бырагырааматын бастакы түһүмэҕэ.
Мин урбаанньыттары кытта элбэхтик көрсөбүн, онно кыһалҕалары быһаарарга үлэлиибит.
Иккис түһүмэҕэр — автовокзалы куорат таһыгар таһаарыахпыт. Манан айан сыаната түһэрин ситиһиэхпит. Билигин айан толуйуллар субсидиятын сыаната үрдүк, ону намтатыахпыт, — диэн мээр хоруйдаата.
Халтарааҥҥа уулуссаҕа сатыы да, массыыналаах да киһиэхэ улахан мэһэйдэр үөскүүллэр. «Хайдах эрэ гынан охтубатах киһи»…
2025 сылтан Арассыыйаҕа элбэх кыбартыыралаах дьиэлэргэ сылытар радиатордары уларытыыны бэрээдэктиир саҥа нуорма олоххо киирдэ. РФ…
2026 сылга Олоҥхо ыһыаҕа Кэбээйи улууһун Кэбээйи сэлиэнньэтигэр Уһун Хонуу ытык сиргэ ыытыллыаҕа. Бу суолталаах…
Сергей Местников "Противоэпизоотическай хамыыһыйа" мунньаҕын салайан ыытта. Манна бэтэринээрийэ өттүттэн куттала суох буолуу боппуруостарын көрдүлэр.…
Госдуумаҕа Билим уонна үрдүк үөрэхтээһин кэмитиэтэ сокуон барылынан көннөрүү ылынна. Ол курдук, чааһынай тэрилтэлэргэ эбии…
Бырабыыталыстыба бэрэссэдээтэлин солбуйааччы Анатолий Семенов «Моя профессия – ИТ» Бүтүн Арассыыйатааҕы куонкурус эрэгийиэннээҕи түһүмэҕэр кыайбыт…