Евгений Григорьев бүгүн быһа эпииргэ тахсыаҕа

Бэс ыйын 23 күнүгэр күнүс 1 чаастан Дьокуускай куорат мээрэ Евгений Григорьев «Россия 24» ханаалга «Прямой эфир с городом» биэриигэ быһа эпииргэ тахсан, Туймаада ыһыаҕар бэлэмнэнии  туһунан кэпсиэҕэ.  Бу туһунан куорат дьаһалтатын пресс-сулууспата кэпсиир. 

Бэс ыйын 28-29 күннэригэр улуу Туймаада ыһыаҕа ыытыллаары турар. Ыраахтан-чугастан ыалдьыттар кэлиэхтэрэ. Евгений Григорьев ыһыахха бэлэмнэнии хайдах бара  турарын, куораты көҕөрдүү, тупсарыы, суоллары өрөмүөннээһин, дьону хаарбах дьиэттэн көһөрүү бырагырааматын туһунан, уо.д.а. боппуруостарга сиһилии хоруйдуоҕа.

Быһа эпииргэ ким баҕарар кыттыһан, ыйытыы биэриэн сөп.  Биэрии буола турдаҕына, 32-02-02 төлөпүөҥҥэ эрийэн, ыйытыы биэриэхх тин сөп.  Өскөтүн ыйытыы быһа эпииргэ бэриллибэтэҕинэ да, куорат аҕа баһылыгар тиксэриллэн, салгыы үлэлииргэ бэриллиэҕэ.