Ил Дархан Айсен Николаев Анал этиитигэр Дьокуускай, Нерюнгри, Мииринэй, Алдан куораттар сайдыыларыгар кэккэ соруктары туруорда. Киин куорат баһылыгын Евгений Григорьевы ааттаан туран, киниэхэ чопчу соруктары эттэ.
Анал этиигэ Дьокуускай куорат баһылыга Евгений Григорьев санаатын үллэһиннэ:
— Ил Дархан Айсен Николаев быйылгы Анал этиитигэр ааспыт сыллар курдук, өрөспүүбүлүкэ сайдыытын хайысхаларыгар Ил Түмэн, Бырабыыталыстыба, олохтоох былаас уорганнарын үлэлэрин эһиилги сылга сүрүн соруктарын иһитиннэрдэ. Ол курдук, биһиги Дьокуускай куораппыт сайдарыгар этиитэ барыбытын үөрдүбүт буолуохтаах. Кэлэр сылга киин куоракка биэс оскуола тутуллан үлэҕэ киириэ диэн эттэ. Ону таһынан оҕону патриотическай иитиигэ үөрэтэр кадетскай оскуола, интэринээттээх үөрэтэр куорпус ситэриллэн үлэҕэ киириэҕэ.
Өрөспүүбүлүкэ Баһылыга бэйэтин этиитигэр куораттааҕы элбэх кыбартыыралаах олорор дьиэ тиэргэнин тупсарыы үлэтин тэтимин түргэтэтэр наадатын тоһоҕолоон бэлиэтээтэ. 2023 сылга Дьокуускай куорат олорор дьиэлэрин тиэргэннэрин тупсарыыга, хаһааҥҥытааҕар даҕаны элбэх үбү – 450 мөл. солк. көрөргө эттэ.
Былырыын Ил Дархан үбүлээһини өйөөн, быйыл 75 олорор дьиэ тиэргэнин тупсардыбыт. Эһиил бу көрүллэр үбүнэн 50-ча олорор дьиэ тиэргэнэ тутуллуо. Билиҥҥитэ бырайыактыыр докумуон оҥоһулла сылдьар. Бу курдук национальнай бырайыактар оҥоһуллан олоххо киирэн иһиэхтэрэ. Сыл аайы Дьокуускай куорат сайдыытыгар өрөспүүбүлүкэ бүддьүөтүттэн үп көрүллүүтүн туруорсан улаатыннаран иһэбит. Бу туруоруллубут соруктар биһиги киин куораппыт сайдыытыгар олус улахан суолталаахтар дии саныыбын, үтүө түмүктээх буолуо диэн эрэнэбин.
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…
Бүгүн Дьокуускай куоракка Опера уонна балет тыйаатырын дьиэтигэр өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III…
Дьокуускай олохтооҕо дьахтар наркотигынан эргинэн 17 сылга көҥүлэ быһыллар буолла диэн СӨ борокуратуурата иһитиннэрэр. Суут…
Саха сирин олохтоохторо МАХ национальнай мессенджергэ «Мин докумуоннарым» киин чат-ботун көхтөөхтүк туһанар буоллулар. Сервис бу…