Хаартыска: freepik.com
Дьокуускайга арыгыны сокуоннайа суох эргинии кыһалҕата сытыытык турар. Хааччахтар уонна ыстарааптар баалларын үрдүнэн, сорох урбаанньыттар «кирдээх» биисинэстэрин салгыыллар, нэһилиэнньэни арыгыга угуйаллар, дьиэ кэргэн олоҕун алдьаталлар уонна куоракка буруй-сэмэ тахсара элбииригэр олук уураллар.
Бу кыһалҕаны быһаарарга куорат баһылыга Евгений Григорьев олохтоохторго туһаайан, биир сомоҕо буоларга ыҥырда.
«Миэхэ куорат араас муннуктарыттан сорох атыыһыттар арыгыны уонна атын итирдэр утахтары суукканы быһа кистээн атыылыылларын туһунан мэлдьи суруйаллар. Ити үксүн арыгы атыылыыр лиссиэнсийэтэ суох, ас-үөл, бородуукта атыылыыр көннөрү маҕаһыыннар. Ол эрээри, ыаллыы олорор олохтоохтор ханнык баҕарар кэмҥэ «итирдэр утаҕы» атыылаһыахха сөбүн билэллэр. Ону таһынан, киэһэ 20.00 чаас кэннэ үрдүк кыраадыстаах итирдэр арыгыны көҥүллүк атыылыыр сымыйа кафелар (лже-кафе) тустарынан үҥсэллэр. Кинилэр эмиэ сокуону кэһээччилэринэн буолаллар. Эбиитин үксүн арыгы атыыһыттара туохтан да толлубаттар, кинилэри көмүскүүн дьон баар дии саныыллар, оттон тутуллан да хааллахтарына, ыстарааптара кыра буолан, «төлүөхпүт уонна салгыы атыылыахпыт» диэн санаалаахтар.
Эһиги көмөҕүтүнэн биһиги арыгы атыытын хааччахтыыр эйгэҕэ үгүһү ситистибит, ол түмүгүнэн арыгыны иһии көрдөрүүтэ аҕыйаата, хас да алкомаркет сабылынна, итирик сылдьан буруйу оҥоруу намтаата. Бу хайысхаҕа бэрээдэги олохтууру салгыаҕыҥ, «күлүк биисиинэһи бииргэ тохтотуоҕуҥ! Мин ВКонтакте тус страницабар арыгыны сокуона суох атыылыыр маҕаһыыны, аадырыһын, сымыйа кафегыны, эбэтэр бутлегер массыынатын нүөмэрин суруйуҥ. Буруйу оҥоруу тахсыбыт күнүн-дьылын ыйан, хаартыскаҕа эбэтэр видеоҕа устан дакаастабыл ыытаргыт ордук туһалаах буолуо этэ. Чопчу чахчылардаах иһитиннэриилэри барытын биһиги полицияҕа дьаһал ылалларыгар ыытыахпыт, бу дьыалаҕа СМИ-лэри, уопсастыбаннаһы, дьокутааттары тардыахпыт. Бу кыһалҕаны бары бииргэ эрэ хамсатыахпытын сөп!», – диэн Дьокуускай куорат баһылыга Евгений Григорьев бэйэтин ТГ-ханаалыгар суруйар.
Дьокуускайга эр киһини өлөрүүгэ буруйданар 30 саастаах дьахтар холуобунай дьыалата суукка ыытылынна. Силиэстийэ барылынан, быһылаан…
«Сахафильм» хампаанньаҕа саҥа салаа – продюсерскай отдел аһыллыаҕа. Национальнай киинэ хампаанньатын салайааччыта Алексей Егоров Саха…
Эдьигээҥҥэ олимпийскай чөмпүйүөн Роман Дмитриев кэриэһигэр үөрэнээччилэр ортолоругар мас тардыһыыга күрэх түмүктэннэ. Күрэхтэһиигэ 60-тан тахса…
Айсен Николаев уонна Степан Саргыдаев оробуочай мунньахтарыгар Чурапчы улууһун социальнай-экэнэмиичэскэй сайдыытын боппуруостарын дьүүллэстилэр. Степан Саргыдаев…
Бу сыл олунньу 2 күнүттэн ИТ-исписэлиистэр «Госуслуги» портаалга 2026 сылга аармыйаттан босхолонууга сайабылыанньа биэриэхтэрин сөп.…
Олунньу 3 күнүгэр биир дойдулаахпыт, СӨ үтүөлээх артыыската, дьоҥҥо-сэргэҕэ тыйаатыр уонна киинэ артыыһын быһыытынан киэҥник…