Хаартыска: Евгений Григорьев ТГ-ханаалыттан
Дьокуускай куорат баһылыга Евгений Григорьев Норуот сомоҕолоһуутун күнүгэр «Сааҕын байыаннай дьайыыга туттар» аахсыйанан байыаннай дьайыы кыттыылаахтарыгар анаан саатын туттарда. Бу туһунан кини ТГ-ханаалыгар иһитиннэрдэ.
«Норуот сомоҕолоһуутун күнэ — барыбытын түмэр бырааһынньык. Бу күн Арассыыйа күүһэ — сомоҕолоһууга, убаастабылга уонна хас биирдии киһи Ийэ дойдутун көмүскэлигэр турунарга бэлэмигэр сытарын санатар. Бүгүн биһиги байыастарбыт байыаннай дьайыы ыытыллар сиригэр араас соруктары толороллор, онон кинилэр кэннилэригэр биир сомоҕо, күүстээх дойду турарын биллэллэрэ-көрөллөрө олус суолталаах.
««Сааҕын байыаннай дьайыыга туттар» баартыйа көҕүлээһинин чэрчитинэн аахсыйанана мин саабын туттардым. Бу — мин тус бэйэм кылаатым, бүгүн дойдубутун көмүскүүр дьоҥҥо убаастабылым уонна өйөбүлүм бэлиэтэ. Бу саа дьиҥнээхтик наадалаах сиригэр — инники кирбиигэ туһаны аҕаллын. Норуот сомоҕолоһуута, бэйэ-бэйэҕэ өйөһүү уонна биһиги Кыайыыбытыгар итэҕэл — бу биһигини күүһүрдэр. Омук элбэх – Ийэ дойду биир!», — диэн Дьокуускай куорат баһылыга Евгений Григорьев суруйар.
Аахсыйа сэтинньи ый бүтүүтүгэр диэри ыытыллар. Сааны маннык аадырыһынан илдьэн туттарыахха сөп: Дзержинскай уул., 35/1, үлэ күнүгэр сарсыарда 09:00 ч. киэһэ 18:00 ч. диэри. Сааны туттарарга пааспар уонна саа көҥүлүн докумуоннара наада.
Бу соторутааҕыта Мэҥэ Хаҥалас 1 Наахара нэһилиэгэр – Тиэлиги бөһ. чугастан, ыраахтан мустан, аатырбыт Кэҥэримэ…
Өлүөхүмэ улууһун Кыыллаах нэһилиэгин олохтоохторун күүһүнэн уһуллубут «Тулаайах кыыс» киинэ көрөөччү дьүүлүгэр таҕыста. Уус-уран киинэ…
2026 сыл саҕаланыаҕыттан Арассыыйаҕа дьиэ кэргэҥҥэ аналлаах нолуоктан төлөбүр баар буолуоҕа. Бу туһунан сенатор Игорь…
Бүгүн, Норуот сомоҕолоһуутун күнүгэр, Арассыыйа Бэрэсидьиэнэ Владимир Путин дойдубут култуурунай нэһилиэстибэтин харыстыырга уонна элбэх омук…
Бүгүн, сэтинньи 4 күнүгэр, Дьокуускайга «Арассыыйа – мин устуоруйам» историческай паарка аттыгар байыаннай дьайыы зонатыттан…
Бүгүн – Норуот сомоҕолоһуутун күнэ. Оттон Арассыыйаҕа бырааһынньык диэн өрүү баай астаах остуолу кытта ситимнээх.…