Евгений Григорьев Строительнай уокурукка сырытта

Дьокуускай куорат баһылыга Евгений Григорьев Строительнай уокурукка сырытта. Көһө сылдьар мунньахха куорат борокуруора Виктор Умеренко кытынна.

Кинилэр бастаан «Спортивнай» түөлбэҕэ 240 миэстэлээх уһуйаан тутуутун көрдүлэр. «Сэттэ» ХЭУо генеральнай дириэктэрэ Игорь Федоров үлэһит илии, тутуу матырыйаала тиийэрин эттэ. Евгений Григорьев саахалланар туруктаах 5 дьиэттэн дьону көһөрүү ыытылларын аҕынна. Дьиэлэр социальнай эбийиэктэри тутар сиргэ бааллар.

Санатан эттэххэ, 6-12 этээстээх 50 элбэх кыбартыыралаах дьиэни тутуохтара. Ону тэҥэ 240 миэстэлээх эбии бөлөхтөрдөөх уһуйааны, 550 миэстэлээх икки оскуоланы, элбэх өҥөнү оҥорор успуорт саалатын.

Евгений Григорьев уонна Виктор Умеренко Жорницкай уулуссаҕа дьаама өрөмүөнүн көрдүлэр. Пионерскай, Космонавтар, Семен Данилов уулуссалар санитарнай туруктарын билистилэр. Строительнай уокурук баһылыга Андрей Петров санитарнай турукка быйыл үҥсүү аҕыйаҕын бэлиэтээтэ.

Дьокуускай куорат уокуруктааҕы дьаһалтатын пресс-сулууспата

Хаартыскалар Дьокуускай куорат дьаһалтатын пресс-сулууспатыттан