Евгений Перфильев: «Судаарыстыба соруктарын ситиһиилээхтик толороҕут»

ЫТЫКТАБЫЛЛААХ ОЙУУР ХАҺААЙЫСТЫБАТЫН ҮЛЭҺИТТЭРЭ!

Саха сирин ойуурун хаһаайыстыбатын бары үлэһиттэрин идэлээх бырааһынньыккытынан итиитик-истиҥник эҕэрдэлиибин!

Эһиги айылҕаны, тулалыыр эйгэни харыстыыр, баай хара тыаны араҥаччылыыр сыралаах үлэҕитин биһиги билэбит, киэн туттабыт. Ойуур баайын хаҥатыыга, ону таба туһаныыга уонна эбии үүннэриигэ улахан соругу толороҕут. Эһиэхэ сүктэриллибит судаарыстыба соруктарын ситиһиилээхтик толороҕут, дойду ойуур хаһаайыстыбатын сайыннарарга көдьүүстээх олугу уураҕыт.

Эһигини идэлээх күҥҥүтүнэн эҕэрдэлээн тураммын, чэгиэн доруобуйаны, этэҥҥэ буолууну, табыллыыны уонна дьолу-соргуну баҕарабын!

Экология, айылҕаны туһаныы уонна ойуур хаһаайыстыбатын миниистирэ
Евгений Перфильев.