Евгения Михайлова Арассыыйа бэрэсидьиэнин өйөөн, илии баттаата.
Хотугу-Илиҥҥи федеральнай университет бэрэсидьиэнэ Евгения Михайлова Саха сиригэр биир бастакынан Владимир Путины өйөөтө. Педагог уонна уопсастыбаннай диэйэтэл илии баттааһыны хомуйар пууҥҥа сылдьарыгар Владимир Путины өйөөччү элбэҕэ. «Манна уочарат баара Владимир Владимировиһы дьон өйүүрүн көрдөрөр», — диир Евгения Исаевна.
«90-с сылларга дойдубутугар хайдаҕын бэркэ өйдүүбүн. Бэҕэһээ уопсастыбаннаһы кытта көрсүһүүгэ 35 сыл анараа өттүгэр сүҥкэн дойду — Сэбиэскэй Сойуус сууллубута: уолаттарым 12 уонна 15 саастаахтара, онон салгыы туох буолуой диэн долгуйбуппут. Владимир Владимирович курдук киһи баар буолан, биһиэхэ үөрүү, киэн туттуу эргилиннэ. Биһиги дойдубут бииргэ үлэлииргэ аһаҕас. Сотору кэминэн планетаҕа эйэ олохтонуо, ону бэрэсидьиэммит эрэ оҥорор кыахтаах!», — диэтэ Евгения Михайлова.
Владимир Путины өйүүргэ илии баттааһыны хомуйар пуун 2023 сыл ахсынньы 23 күнүгэр «Бүтүн Арассыыйатааҕы норуот фронун» эдэр актыбыыстарын көҕүлээһининэн арыллыбыта. Манна волонтердар үлэлииллэр.
Пуун «Столица» эргиэн дьиэтин бастакы этээһигэр маннык аадырыска баар: Ленин уул., 16. Күн аайы 10.00-тан 20.00 диэри үлэлиир.
Санаттахха, ХИФУ бэрэсидьиэнэ Евгения Михайлова Владимир Путины кытта 2000 сыл кулун тутар 7 күнүгэр көрсүбүтэ уонна чароиттан оҥоһуллубут кубогы бэлэхтээбитэ. Кини хаста даҕаны быыбар иннинээҕи хампаанньаҕа Владимир Путин итэҕэллээх киһитэ этэ.
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …