Аграфена Кузьмина хаартыскаҕа түһэриитэ
Турцияттан Евразия суруйааччыларын сойууһа Саха сирин народнай суруйааччытын, Арассыыйа суруйааччыларын сойууһун хос бэрэссэдээтэлин, Аан дойдутааҕы Түүрдэр Академияларын чилиэнин Николай Лугинову 75 сааһын туолар үбүлүөйдээх күнүнэн итиитик-истиҥник эҕэрдэлиир.
Евразия суруйааччыларын сойууһун бэрэссэдээтэлэ Якуп Омероглу бэйэтин эҕэрдэ суругар бэлиэтээбитинэн, Николай Лугинов аата Евразия бары дойдуларыгар иһиллэр. “Николай Лугинов аата аҥардас Арассыыйаҕа эрэ буолбакка бүтүн Евразия дойдуларын норуоттарыгар элбэхтэ иһиллэр. Кини айымньылара аан дойду үгүс тылынан тылбаастанан таҕыстылар”, — диэн этэр кини.
Якуп Омероглу Николай Алексеевич айымньыларыгар дьылҕа, норуоттар, дойдулар сыһыаннаһыылара бүтүн түүр омук олоххо көрүүтүн арыйалларын бэлиэтээн этэр. “Кини кэпсээннэригэр, сэһэннэригэр, арамааннарыгар аҥардастыы киһи дьылҕатын эрэ буолбакка, дойдулар, дьоннор, норуоттар сыһыаннаһыыларын бэрт арылхайдык бөлүһүөктүү арыйан көрдөрөр. Түүр тыллаах омук кини айымньыларын нөҥүө Чыҥыс Хаан, улуу хууннар олорон ааспыт олохторун-дьаһахтарын, үлэлэрин, үгэстэрин, муударастарын, олоххо көрүүлэрин саха киһитин хараҕынан саҥалыы арыйан көрөбүт. Ол нөҥүө саха омук култуурата, олоҕу көрүүтэ, муудараһа эмиэ арыллар”, — диэн иһитиннэрэр кини.
“Николай Алексеевич, эйигин бу үөрүүлээх күҥҥүнэн бүтүн түүр тыллаах суруйааччы доҕотторуҥ ааттарыттан эҕэрдэ ыытабыт”, — диэн иһитиннэрэр Евразия суруйааччыларын сойууһун бэрэссэдээтэлэ Якуп Омероглу.
Сорох эмптэри иһэр буоллахха, суоппардыыр бырааптарын матарар испииһэк баар буолуон сөп. Испииһэккэ болҕомтону мөлтөтөр, утутар…
MAX мессенджертан 47 мөлүйүөн туһанааччы тус дааннайдара уоруллубутун туһунан сымыйа сурах тарҕанна. Бу туһунан мессенджер…
Биэнсийэлээхтэр дойду сорох эрэгийиэннэригэр көстөхтөрүнэ эбэтэр саастарын ситэ илик оҕолору ииттэ ыллахтарына, ылар биэнсийэлэрин кээмэйин…
Суут кэмигэр быһаарыллыбытынан, бу сыл ыам ыйыгар сууттанааччы урут итирик туруктаах тырааныспары ыыппытын иһин административнай…
Күҥҥэ корональнай дьөлөҕөс үөскээн, Сир магнитосфератыгар дьайан саҕалаата. Учуонайдар сэрэтэллэринэн, биһиги планетабыт күн тыала аҕалбыт…
Бүгүн, алтынньы 20 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата араас…