Европа Куубагар Саха сирин икки дзюдоистара кыттыахтара

Саха сирин сүүмэрдэммит хамаандатын дзюдоистара Алина Моисеева уонна Карина Ефимова дзюдоҕа Европа Куубагар кыттарга ыҥырыы туттулар.

Бу туһунан Өрөспүүбүлүкэтээҕи хамаандалары успуорка бэлэмниир киин иһитиннэрэр. Күрэхтэһии Черногорияҕа балаҕан ыйын 20-22 күннэригэр ыытыллыаҕа.

К;рэхтэһиигэ 48 киилэҕэ диэри ыйааһыҥҥа Арассыыйа чөмпүйүөнэ Алина Моисеева, оттон 52 кг диэри ыйааһыҥҥа РФ күүстээх спортсменнарын спартакиадатын кыайыылааҕа Карина Ефимова киирсиэхтэрэ. Бу сыл балаҕан ыйын 21 күнүгэр ыытыллар Европа Куубагар 270-тэн тахса спортсмен кыттара күүтүллэр.

Аина Моисеева уонна Карина Ефимова бэйэлэрин категорияларыгар түөрт күүстээх спортсменнар ахсааныгар киирэллэр, ол эрээри кинилэри кытта бу сырыыга Германия, Италия, Греция, Сербия, Словакия уонна да атын дойдулар бэрэстэбиитэллэрэ кытталлар диэн Өрөспүүбүлүкэтээҕи успуорка хамаандалары бэлэмниир киин иһитиннэрдэ.