Хаартыска: ЯСИА
2023 сыл тохсунньутугар ФАПК «Якутия» АУо тэрилтэтигэр утах кутар лииньийэҕэ көрөр-истэр үлэһит дьахтар эчэйбит.
Үлэ смената бүппүтүн кэннэ, үлэһиттэр утах кутар оборудованиены ыраастыырга уонна бэлэмнииргэ туруммуттар. Триблогу сууйа сылдьан, үлэһит дьахтар иһигэр кураанах пластик бытыылка баарын көрбүт. Триблоктан хаппаҕы уонна кураанах иһити таһаарар тэрил үлэлээбэт буолан, кини бытыылканы бэйэтэ ороон ыларга быһаарыммыт. Ол иһин, алларааттан киирэр кыаллыбат буолан, аппарат иһигэр киирбит.
Түмүгэр аппараат дьахтар футболкатыттан илиитин эрийэн ылбыт. Хаҥас илиитэ хам баттанан, быччыҥнара, иҥиирдэрэ, ортоку ньиэрбэтэ уонна хаҥас саннын артерията быстыбыттар. Кэллиэгэлэрэ эчэйбит дьахтарга тутатына бастакы көмөнү оҥорбуттар, онтон суһал көмө биригээдэтэ кэлэн, дьахтары балыыһаҕа киллэрбиттэр.
2023 сыл олунньутугар, дьахтар боппуруоһу суут иннинээҕи бэрээдэгинэн быһаарсаары, 1 000 000 солкуобай кээмэйдээх кэмпэнсээссийэни төлүүр туһунан сайабылыанньа ыыппыт. Бу суума кини эмтэниитигэр уонна доруобуйатын чөлүгэр түһэриигэ тахсар ороскуоттарын сабыахтаах эбит. Дьахтар атын дохуот киллэринэрэ да, өйөбүлэ да суоҕа. Кулун тутарга киниэхэ 10 000 солкуобайы төлүүргэ этии киирбит хоруйу туппут, ол этиини дьахтар аккаастаабыт.
Салгыы дьахтар оҥорон таһаарыыга тахсыбыт түбэлтэ содулугар оҥоһуллубут моральнай хоромньуну толуйтарар туһунан суукка үҥсүү киллэрбит. Саха Өрөспүүбүлүкэтин Үрдүкү Суутун гражданскай дьыалаларга Судебнай коллегията дьыала матырыйаалларын үөрэтэн баран, ФАПК «Якутия» АУо-тан моральнай хоромньуну толуйуу быһыытынан 500 000 солкуобайы, ону таһынан судаарыстыбаннай пошлина ороскуотун ирдэттэ, — диэн СӨ Сууттарын холбоһуктаах пресс-сулууспата иһитиннэрэр.
СӨ Дьокуускай куорат суутугар РФ ХК 111-с ыстатыйатын 1-кы чааһынан (соруйан ыар буортуну оҥоруу) көрүллүбүт…
Суукка быһаарыллыбытынан, буруйдаммыт киһи итирик туруктаах сылдьан массыынаны ыыппыта биллибит. Онон, РФ ХК 264.1 ыст.…
Госдуумаҕа адаптивнай больничнай туһунан сокуон бырайыагын киллэрээри гыналлар, оччоҕо үлэһит ыалдьа олорон үлэлиир кыахтанар, хамнаһыгар…
Бэйэлэрин тула дьону түмэр, хамсатар, уопсастыбаннай үлэнэн дьарыктанан, тулалыыр эйгэлэрин тупсарар дьон баар буолаллар. Эдэр…
Байыаннай дьайыы саҕаланыаҕыттан Саха сирин олохтоохторо ким-туох кыахтааҕынан көмөлөһө олороллор. Бу барыта үтүө санаалаах дьон…
Билигин маҕаһыынтан эрэ буолбакка, оннооҕор эмтиэкэттэн табаары уораллар эбит. Дьокуускай куоракка полицейскайдар эмтиэкэттэн табаары уорбут …