Хаартыска Фаридум Алексеев архыыбыттан
Бу күннэргэ Москваҕа ХИФУ Хотугулуу-Илиҥҥи норуоттар тылларын уонна култуураларын институтун I кууруһун устудьуона Фаридум Алексеев «Ломоносов-2023» устудьуоннар, аспираннар уонна эдэр учуонайдар норуоттар икки ардыларынааҕы научнай-практическай кэмпириэнсийэлэригэр «Социология» салаатын «Социальные технологии и менеджмент» сиэксийэтигэр кыайыыны ситистэ.
Муус устар 13 күнүгэр М.В. Ломоносов аатынан Москватааҕы судаарыстыбаннай университет Социологическай факультетыгар ХХХ норуоттар икки ардыларынааҕы научнай-практическай кэмпириэнсийэҕэ 50 эдэр чинчийээччи кытынна. Кыттааччылар үлэлэрин университет эспиэрдэрэ, дуоктардар уонна наука хандьыдааттара сыаналаатылар.
Фаридум Алексеев ХИФУ устудьуоннарын үлэнэн хааччыйыы кыһалҕатын чинчийиитинэн уонна «Telegram» платформаҕа «ESBOSS» чат-бот оҥорон кыттыбыт.
Нэһилиэнньэ үлэтэ суох буолуута, чуолаан, ыччаттарга улахан кыһалҕанан буолар. Ыччат дьон өр дьарыга, үлэтэ суох сылдьыылара куһаҕаннык дьайар, олоҕор сабыдыаллыыр. Ол туһунан Фаридум куратора, научнай салайааччыта, Хотугулуу-Илиҥҥи норуоттар тылларын уонна култуураларын институтун педагогическай билимин хандьыдаата, доцена Марк Егоров маннык этэр: «Биһиги чинчийиибит түмүгэ көрдөрбүтүнэн, Саха сирин нэһилиэнньэтин үлэтэ суохтарын улахан бырыһыанын 15-иттэн 29-гар диэри саастаах ыччат ылар. Бу кыһалҕаны кыччатар сыалтан, эдэр дьоҥҥо бэйэлэригэр сөптөөх үлэни булалларыгар биһиги «Telegram» платформаҕа чат-бот оҥордубут».
Фаридум санаатын үллэстэр: «Бу олус боростуой чат-бот, икки хайысхалаах: бастакытыгар – бастайааннай үлэ вакансията көстөр, иккиһигэр – эбии үлэ вакансията. Манна үлэ миэстэтин туһунан туох баар иһитиннэрии суруллар, салгыы үлэ көрдөөччүгэ тустаах киһи резюмета ыытыллар. Биһиги кураторбын, научнай салайааччыбын Марк Николаевиһы кытары уһуннук бэлэмнэнэн бу научнай-чинчийэр кэмпириэнсийэҕэ кытынныбыт. Маннык таһымҥа аан бастакыбын кыттар буоламмын, син долгуйбутум, оттон дакылаатым ортотуттан өйбүн-санаабын сааһылаан, хомунан, ситиһиилээхтик кытынным. Элбэх үлэни көрдүм-иһиттим, элбэҕи биллим уонна науканан интэриэһиргээтим. Киһини умсугутар, тардар араас тиэмэ баар эбит диэн көрдүм, онон салгыы маннык кэмпириэнсийэлэргэ кыттар баҕа санаа үөскээтэ».
Фаридум Алексеев — Үөһээ Бүлүү улууһун Мэйик нэһилиэгиттэн төрүттээх, дэгиттэр талааннаах, ырыаһыт, спортсмен ыччат. Түгэнинэн туһанан, Фаридум Алексеев кэмпириэнсийэҕэ баран кыттарыгар күүс-көмө буолбут төрөппүттэригэр, научнай салайааччытыгар, чугас дьонугар махталын тириэрдэр.
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…
Тохсунньу 5 күнүгэр Ньурба улууһугар 1955 с.т. дьахтар сүппүтүн туһунан СӨ Быыһыыр сулууспатын пресс-сулууспата иһитиннэрбитэ.…
Тохсунньу Таҥха ыйынан биллэр. Сыл ахсын сүллүүкүттэр хаһан тахсар этилэрий, ойбонтон хаһан уу ылар этибитий…
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…