Антонина Эверстова хаартыскаҕа түһэриитэ
Бүгүн, сэтинньи 6 күнүгэр, Ю.А. Гагарин аатынан Култуура киинигэр фашизмы утары “Норуот уонна аармыйа түмсүүлээхтэр” пуорум тэрээһинэ буолла.
Тэрээһин РФ Бырабыыталыстыбатын бэрэссэдээтэлин солбуйааччы-УИФУо РФ Бэрэсидьиэнин боломуочуйалаах бэрэссэдээтэлэ Юрий Трутнев ыыппыт эҕэрдэтинэн аһылынна.
Ил Дархан Айсен Николаев фашизмы утарар үһүс төгүлүн ыытыллар пуорум Улуу Кыайыы 80 сылыгар буолбутун бэлиэтээтэ. Оччолорго норуот уонна аармыйа биир сомоҕо буолан, өстөөҕү кыайбыттарын тоһоҕолоото.
— Ол сэрии ыар сыллара умнуллан, нацизм, фашизм саҥаттан күөрэйбитин, билигин ону тохтотор сыаллаах байыаннай дьайыы буола турар. Биһиги өрөспүүбүлүкэбитигэр байыаннай дьайыы саҕаланыаҕыттан аармыйаны өйүүр, көмөлөһөр үлэ тохтоло суох барар.
Ил Дархан бары хайысханан байыастарга, кинилэр дьиэ кэргэттэригэр көмө арааһа оҥоһулларын, ыччаты патриотическай иитиигэ элбэх үлэ барарын кэпсээтэ.
Ол кэнниттэн инники кирбииттэн кэлбит уолаттарга дойду бойобуой наҕараадаларын туттарда. Соҕурууҥҥу Байыаннай уокурук байыаннай-бэлитиичэскэй управлениетын начаалынньыгын солбуйааччы Михаил Досугов байыаннай дьайыыга сылдьар байыастарга, фроҥҥа көмөлөһөр дьоҥҥо махтанна, инники кирбииттэн кэлбит байыастарга бойобуой наҕараадалары туттарда.
Фашизмы утары пуорумунан биһиги эйэни, кырдьыгы, киһи дэнэр килбиэни көмүскүүргэ бэлэммитин көрдөрөбүт. Устуоруйа итэҕэтиилээхтик дакаастаата: норуот уонна аармыйа түмсүүлээх буоллаҕына, ханнык да күүс биир сомоҕо норуоту кыайар кыаҕа суох! Бу улахан сомоҕолоһуу биһиги көҥүлбүт, эйэҕэ уонна инникигэ эрэллээх буолуубут бигэ тирэҕэ.
Ааптар хаартыскаларга түһэриитэ.
Олунньуттан Саха сиригэр бырабыыталыстыба отчуота саҕаланыаҕа. Отчуоттар үгэс быһыытынан, сирэй көрсөн ыытыллыахтара диэн «Быһа кэпсэтии»…
"Онкодесант" бырайыак чэрчитинэн, 2025 сылга өрөспүүбүлүкэҕэ 1500 киһи доруобуйатын туругун бэрэбиэркэлэммитин туһунан доруобуйа харыстабылын министиэристибэтэ…
Саха сиригэр 32 саастаах киһиэхэ суут бириигэбэрэ таҕыста. Кини өлбүт аймахтарын счеттарыттан харчы уорбут уонна…
Гренландия Трампка Арктика баайыгар суол буолар. Гренландияттан сылтаан Трамп кинини утары саҥарбыт аҕыс дойдуга 10%-наах…
Тохсунньу 21-23 күннэригэр Саха сирин үөрэҕин үлэһиттэрин тохсунньутааҕы мунньаҕа буолуоҕа. Биир былаһааккаҕа Саха сирин үөрэҕин…
Мобильнай биригээдэлэр өрөспүүбүлүкэтээҕи кииннэрин бырайыага Уһук Илиҥҥэ уонна Арктикаҕа инники күөҥҥэ сылдьар бырайыак быһыытынан билинилиннэ.…