Фашизмы утары пуорум географията Уһук Илиҥҥэ тиийэ кэҥиэн сөп

«Норуот уонна аармыйа — биир сомоҕо» өрөспүүбүлүкэтээҕи фашизмы утары пуоруму 2026 сылга бүтүн Уһук Илиннээҕи федеральнай уокурук таһымыгар ыытарга этии киирдэ. Бу туһунан СӨ Ил Дарханын уонна Бырабыыталыстыбатын дьаһалтатын салайааччыта, тэрийэр кэмитиэт бэрэссэдээтэлэ Георгий Михайлов иһитиннэрдэ.

Кини кыттыытынан сэтинньи 4 күнүттэн 6 күнүгэр диэри Дьокуускай куоракка ыытыллыбыт «Норуот уонна аармыйа — биир сомоҕо» III Өрөспүүбүлүкэтээҕифашизмы утары пуорум түмүгэ таһаарылынна.

Георгий Михайлов чугастааҕы кэминэн аныгы пуорумҥа бэлэмнэнии үлэтэ саҕаланыа диэн бэлиэтээтэ.

«Быйыл бары тэрээһиннэргэ 50 тыһыынчаттан тахса киһи кытынна. Бу уопсастыбаҕа устуоруйаны умнубат буолууну, сомоҕолоһууну уонна Ийэ дойдуга тапталы иҥэрэр көҕүлээһин үрдүк суолталааҕын уонна наадалааҕын туоһулуур. Пуорум сүрүн сыала – патриотическай өйү-санааны бөҕөргөтүү, биэдэмистибэлэр икки ардыларынааҕы кэпсэтиини күүһүрдүү уонна биһиги кэскилбитигэр кутталы үөскэтэр фашизмы уонна араас идеологиялары утары охсуһууга күүстэри түмүү», – диэтэ Георгий Михайлов.

Дьаһалта салайааччыта ааспыт пуорум түмүгүн таһааран, бэлэмнэнии үлэтигэр көхтөөхтүк кыттыбыт дьоҥҥо тэрийэр кэмитиэт Махтал суруктарын туттарда.