Хаартыска: Ил Дархан, бырабыыталыстыба дьаһалтатын пресс-сулууспата.
Федерация Сэбиэтигэр «Донбасс за нами!» хаартысканан быыстапка аһылынна. Быыстапка Уһук Илин эрэгийиэннэрэ Донбасска көмөлөһөллөрүн туһунан көрдөрөр.
Ахсынньы 4 күнүгэр Федерация Сэбиэтигэр аһыллыбыт «Донбасс за нами!» быыстапка «Звезда Дальнего Востока» диэн уопсастыбаннай-дьыалабыай бириэмийэ биир түһүмэҕэ буолбута, бэрэсидьиэн Уһук Илиҥҥэ бастайааннай бэрэстэбиитэлин өйөбүлүн ылбыта. Быыстапка аһыллыытыгар сенатордар уонна Госдуума дьокутааттара кыттыыны ыллылар.
Быыстапкаҕа байыаннай кэрэспэдьиэннэр түһэрбит 15 үлэлэрэ турда. Манна көстөллөр: анал дьайыы кэмигэр байыастар олохторо-дьаһахтара, урусхалламмыты сөргүтүү, волонтердар үлэлэрэ, куораттары чөлгө түһэрии, махталтан ыгыллар харах уута, о.д.а. Бары үлэлэр биир ис хоһоонноохтор — дойдуга ыарахан кэмҥэ Уһук Илин бүтүннүүтэ түмсэн, биир ньыгыл буолан, Кыайыы иһин, дойдубут иһин элбэҕи оҥорор, үлэлиир-хамсыыр диэн.
— «Звезда Дальнего Востока» бириэмийэ лауреаттарынан байыастарга көмөлөһөр, гуманитарнай көмөнү хомуйан ыытар, ону тэҥэ, балыыһалары, оскуолалары, дьиэлэри чөлгө түһэрэргэ быһаччы үлэлиир дьон буолбуттара. Биһиги сүрүн сыалбыт — Донбасс олохтоохторо киһилии, нус-хас олороллоругар көмөлөһүү. Биһиги хайаан да кыайыахпыт! Дойдубут биир уһугар, ыраах олорор эрэгийиэннэр тылынан да, дьыаланан да көмөлөрө уҕараабатын бу хаартыскалартан көрөбүт, кинилэргэ махтанабыт! — диэн Федерация Сэбиэтин федеративнай тутулга, эрэгийиэннээҕи бэлиитикэҕэ, олохтоох салайыныыга уонна хоту сир дьыалаларыгар кэмитиэт бэрэссэдээтэлэ Андрей Шевченко эттэ.
Оттон Уһук Илиҥҥэ бэрэсидьиэн боломуочуйалаах бэрэстэбиитэлин солбуйааччы Григорий Куранов бу курдук эттэ:
— Бэрэсидьиэн этэринэн, билигин кыайыыттан ордук суолталаах сорук суох. Юрий Трутнев хаста да байыаннай дьайыы бара турар сиригэр тиийэн, байыастары, байыаннай быраастары кытта көрсүбүтэ, кэпсэппитэ, көмөлөспүтэ. Уһук Илин ДНӨ 9 территориятын уонна 2 оройуонун кытта быһаччы «шефтэһэр» үлэни ыытар. Биһиги сүүһүнэн эбийиэги чөлгө түһэрдибит. Оскуолалар, бибилиэтиэкэлэр, балыыһалар, спортивнай саалалар — бары олус эргэлэр, сэбиэскэй кэмтэн өрөмүөн үлэтэ ыытыллыбатах. Билигин Уһук Илин көмөтүнэн 500-тэн тахса эбийиэк тутулунна. Биһиги Донбасс дьонун-сэргэтин олохторун тупсарабыт, көмөлөһөр илиибитин уунабыт!
Быыстапка Федерация Сэбиэтигэр ахсынньы 4-5 күннэригэр туруоҕа. Ахсынньы 7 күнүгэр — «Звезда Дальнего Востока» бириэмийэ кыайыылаахтарын наҕараадалааһын кэмигэр, быыстапка РФ Уопсастыбаннай балаататыгар туруоҕа. Онтон тохсунньуга ВДНХ уораҕайыгар «Арассыыйа» быыстапка-пуорумҥа үлэлиэҕэ.
Ил Дархан, бырабыыталыстыба дьаһалтатын пресс-сулууспата.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…