Хаартыска Василий Кононов түһэриитэ
Оробуочай бөлөх «Жатайская судоверфь» АУо суудуна оҥорор собуотун тутуутун хаамыытын кытары билистэ. Оробуочай бөлөххө киирэн Ил Түмэн бэрэссэдээтэлэ Алексей Еремеев, норуот дьокутаата Павел Петров, Виктор Федоров сырыттылар.
Жатайскай суудуна собуотун дириэктэрэ Петр Накул эппитинэн, суудунулары Арассыыйа дьону уонна таһаҕаһы таһар суудуналарын бырайыактара туһанылыннылар.
«Билигин Кытай Норуоднай Өрөспүүбүлүкэтин этиилэрин үөрэтэ сылдьабыт. КНР арҕаа дойдулартан итэҕэһэ суох, роботизированнай тиһиги биэриэн сөп. Саха Өрөспүүбүлүкэтин Бырабыыталыстыбатын кытары атыы-эргиэн бэрэстэбиитэлистибэтин нөҥүө коммерческай этии ыытыахпыт», — диэтэ Петр Накул.
Ил Түмэн бэрэссэдээтэлэ Алексей Еремеев Өлүөнэ өрүһүнэн уонна Арктика зонатыгар уунан таһаҕаһы таһыыны хааччыйарга суудуна собуотун тутууну түргэнник түмүктүүр наадалааҕын бэлиэтээтэ.
Федерация Сэбиэтин Кэмитиэтин бэрэссэдээтэлэ Андрей Шевченко Жатайдааҕы суудунаны тутуу бырайыагын үбүлээһин, технологическай оборудованиены аҕалыы, каадыры бэлэмнээһин боппуруостарынан интэриэһиргээтэ.
Тырааныспар миниистирэ Владимир Сивцев собуоту тутарга уонна сөптөөх оборудованиенан хааччыйарга үбүлээһини булбутун эттэ. Ол гынан баран сааҥсыйаларынан, технологическай оборудованиены аҕалыы бодьоҕо уһаабыт, онон Жатайдааҕы суудуна собуотун бастакы түһүмэҕэ 2024-2025 сс. бүтэрэ күүтүллэр. 2024 с. тутар-таҥар үлэлэрэ бүтүөхтэрэ, 2025 с. докумуона бэлэм буолуо.
Бу нэдиэлэҕэ СӨ Тыатын хаһаайыстыбатын уонна ас-үөл бэлиитикэтин министиэристибэтэ “Саха сирин балыга” өрөспүүбүлүкэтээҕи уон бэһис…
Сергей Сивцев, Ил Түмэн дьокутаата: -Ил Түмэн 14 пленарнай мунньаҕар Саха Өрөспүүбүлүкэтин Төрүт Сокуонугар уларытыылары…
Бүгүн, алтынньы 22 күнүгэр, Саха Өрөспүүбүлүкэтин Судаарыстыбаннай Мунньаҕын (Ил Түмэнин) күһүҥҥү бастакы уон төрдүс ыҥырыылаах…
РФ Бэрэсидьиэнин иһинэн история өйдөбүнньүгүн национальнай киинэ уонна “Биир ньыгыл Арассыыйа” баартыйаны өйүүр Киин сэбиэт…
Бүгүн аны Уус Алдан улууһун Түүлээх нэһилиэгэр 11 бөрө суолун көрбүттэрин туһунан иһилиннэ. Бу тиэмэҕэ…
Бэҕэһээ СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтигэр Экология уопсастыбаннай сэбиэтин мунньаҕа буолла. Онно…