Федерация Сэбиэтин бүддьүөккэ уонна үп ырыынагын кэмитиэтигэр бэҕэһээ, ахсынньы 13 күнүгэр, ыытыллыбыт киэҥ ыҥырыылаах мунньахха «Актуальные вопросы обеспечения сбалансированности бюджетов субъектов Российской Федерации на примере Республики Саха (Якутия)» диэн тиэмэҕэ кэпсэтии таҕыста.
Сүрүн дакылааттары Ил Түмэн бүддьүөккэ, үпкэ, нолуокка уонна сыана бэлиитикэтигэр, бас билии уонна приватизация боппуруостарыгар бастайааннай кэмитиэтин бэрэссэдээтэлэ Юрий Николаев уонна СӨ бырабыыталыстыбатын бэрэссэдээтэлин бастакы солбуйааччы Кирилл Бычков оҥордулар.
Мунньахха авиатарыыптары субсидиялааһын боппуруоһун тула ирэ-хоро кэпсэттилэр. Саха сиригэр килиимэт тыйыс усулуобуйалааҕын таһынан, суол-иис боппуруоһа ыарахаттардаах. Ордук хоту, Арктика улуустарыгар, кырыы сытар нэһилиэнньэлээх пууннарга көтөр аалынан эрэ тиийэҕин. «Аны сөмөлүөт билиэтин сыаната олус үрдүк. Холобур, Дьокуускайтан Аллараа Халымаҕа кэлэ-бара 80-ча тыһыынча солкуобайга тиийэр», — диэн Ил Түмэн дьокутаата Юрий Николаев бэлиэтээн эттэ.
Онуоха сенатор Елена Перминова туһааннаах боппуруоһу бастаан Федерация Сэбиэтин экэнэмиичэскэй бэлиитикэҕэ кэмитиэтигэр көрөргө сүбэлээтэ. «Дьэ ол кэнниттэн бүддьүөт уонна үп ырыынагын кэмитиэтэ дотация методикатыгар этиилэрин киллэриэн сөп», — диэтэ.
Өрөспүүбүлүкэ олохтоохторо удамыр сыанаҕа эрэгийиэн иһигэр уонна таһыгар айанныыр кыаҕынан туһаныахтаахтарын туһунан бүддьүөт уонна үп ырыынагын бэрэссэдээтэлэ Анатолий Артамонов эттэ.
Мунньах кэмигэр субсидиялаах көтүүнү хааччыйар «Якутия» АХ Уһук Илиннээҕи авиахампаанньаны кытары холбооһун туһунан боппуруоһу РФ Тырааныспарын министиэристибэтин кытары салгыы үлэлэһэргэ этилиннэ.
Хаартыска http://iltumen.ru
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…