Хаартыска: Мария Васильева, СИА.
Кэлэр сыл иккис аҥаарыгар саамай чэпчэки уот сыаната ЛНР-га буолуон сөп – саамай намыһах тарыып манна киловатт-чааһа 1,46 солк. тэҥнэһэр. ДНР-га саамай намыһах тарыып – 1,49 солк., уруккуттан кыра тарыыптаах Иркутскай уобаласка сыана – 1,77 солк.
Саамай ыарахан сыаналаах уоту Чукотка олохтоохторо төлүөхтэрэ, манна киловатт иһин саамай үрдүк төлөбүр ааҕыллыбыт — 11,36 солк. Атын тымныы эрэгийиэннэргэ уот сыаната эмиэ үрдүк. Холобур, Саха сиригэр биир киловатт иһин төлөбүр 9,66 солк. диэри үрдүө. Камчаткаҕа киловатт тарыыба 8,04 солкуобайынан хааччахтанар (ол быыһыгар саамай алларааҥы планка – баара-суоҕа 2,7 солк.).
Уоту туһаныыга социальнай нуорма олохтоммут эрэгийиэннэригэр тарыып туспа ааҕыллар, манныктар алтыалар. Ол курдук Красноярскай кыраайга социальнай нуорма иһинэн туттар уотуҥ төлөбүрэ биир киловатт иһин 3,97 солкуобайы аһарыа суохтаах. Өскөтө киһи соцнуорматтан элбэх уоту туһаммыт буоллаҕына, 6,4 солкуобайынан төлүүрүгэр тиийэр.
Москваҕа уот сыаната киловатт-чаас иһин билиҥҥи 6,99 солкуобайтан 7,87 солк тиийэ үрдүө. Московскай уобаласка – 7,33-тэн 8,25 солк диэри. Оттон Санкт-Петербурга – 6,19-тан 6,97 солк. тиийэ үрдүөҕэ, диэн иһитиннэрэр rgrunews.
Саха сириттэн -50 кыраадыс тымныыттан тиийбит “Саха”НКИК ыытааччыта Олег Колесов-Талбан бастаан киинэ туһунан эттэ, онтон…
Арассыыйа Бэрэсидьиэнэ Владимир Путин “Сыл түмүктэрэ” быһа эпииргэ Арассыыйаҕа инфляция кыһалҕатын быһаарарга кыах баар, сыл…
2025 сыл түмүктэринэн Арассыыйа тыатын хаһаайыстыбатыгар үрдүк түмүктэри көрдөрдө. Бу туһунан дойду Бэрэсидьиэнэ Владимир Путин…
“Владимир Путины кытта сыл түмүктэрэ” бырагыраама судаарыстыба баһылыгын улахан пресс-кэмпириэнсийэтэ уонна быһа лииньийэтин ситимниир “Владимир…
Бүгүҥҥү сылы түмүктүүр быһа эпииргэ Арассыыйа Бэрэсидьиэнэ Владимир Путин дойду Украинаҕа буола турар иирсээни быһаарарга…
РФ Бэрэсидьиэнэ Владимир Путин кэмпириэнсийэтэ көхтөөхтүк, сэргэхтик саҕаланна. Ыйытыылар киирэ тураллар. Олортон биирдэстэринэн "Дьоруойдар кэмнэрэ"…