Көс олохтоох табаһыттар олохторун чэпчэтэргэ туох көмө оҥоһулларый? Быйыл төһө үп көрүллүбүтүй?
Таба иитэр хаһаайыстыбаларга кыстык баран иһэр. Билигин хараал ыытылла турар. Сэтинньи 21 күнүнээҕи туругунан хаһаайыстыбалар уопсайа 176,0 тыһыынча тамайар табалаахтар. Аллайыаха улууһун ырыаҕа ылламмыт, хоһооҥҥо хоһуллубут Оленегорскай бөһүөлэгэр “Илкан” табаһыттар общиналара хараалы эрдэ саҕалаабытын туһунан настаабынньык-биригэдьиир Валерий Трофимов кэпсээн турар.
“Бөрөлөөхтөр курдук, табаларбыт ханна сылдьалларын көрөөрү, икки моойторугу сакаастаатыбыт, төлөпүөнүнэн киирэн көрөргө бэртээхэй тэрил эбит”, — диэбитэ Валерий Алексеевич. Ити курдук, үлэҕэ-хамнаска туһаныллар саҥа тэриллэри өрөспүүбүлүкэ табаһыттара сэргииллэр.
Көс олохтоох дьон гаас тэрилин кытта туһанар буолбуттар. Онон маһа-ото суох сиргэ сылдьар дьон абыраммыттар дииллэр, оттук маска ороскуоту, түбүгү да аччаппыт. Күн күүһүнэн үлэлиир ыстаансыйалары туһанан боруобалаабыттар эмиэ бааллар. Оттон квадрокоптердары туһаныы табалары көрдүүргэ көмөлөспүт.
Маныаха кэмигэр көрүллэр өйөбүл, үбүлээһин миэрэлэрэ төһүү буолаллар. Өрөспүүбүлүкэ тыатын хаһаайыстыбатын министиэристибэтин Хотугу төрүт салаалары сайыннарыыга уонна балык хаһаайыстыбатын комплексын отделын салайааччыта Иннокентий Баланов иһитиннэрбитинэн, быйыл таба иитиитин салаатыгар федеральнай бүддьүөттэн 39 мөл солк. үп бэриллибит. Бу үп-харчы көмөтүнэн табаһыттарга аналлаах квадрокоптердары, көһө сылдьар дьиэлэри атыыласпыттар, хараалы тутууга туһаммыттар.
Хоту дойдуга табаны иитиигэ бэриллэр субсидияны өрөспүүбүлүкэ Бырабыыталыстыбатын уонна РФ Илиҥҥи сайдыыга министиэристибэтин илии баттаспыт дуогабардарыгар олоҕуран көрүллүбүт. Онон бу субсидиянан 20 хаһаайыстыба квадрокоптер, күн күүһүнэн үлэлиир ыстаансыйа 17 кэмпилиэгин, 24 хаһаайыстыба бытовой гааһы туһаныыга тэрили, 12 таба иитэр хаһаайыстыба 50 көһөрүллэ сылдьар дьиэни ылбыттар. Бу субсидия көмөтүнэн хараал 4 комплекса уонна 6 км күрүө-хаһаа тутуллубут.
РФ Уһук Илини сайыннарыыга министиэристибэтэ судаарыстыба бу өйөбүлэ 2024 сылга диэри үлэлиэҕэ диэбитин туһунан Иннокентий Баланов бигэргэтэр.
Хаартыска: интэриниэттэн
Балаҕан ыйын 15 күнүгэр киэһэ хойут Ленскэйдээҕи быыһыыр-көрдүүр этэрээт быыһааччылара ойуурга муммут киһини буллулар. Киин…
Бүгүн, балаҕан ыйын 16 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…
Бэҕэһээ, балаҕан ыйын 15 күнүгэр, Дьокуускай куорат Дзержинскай аатынан уулуссаҕа "Архыып" тохтобул туһаайытынан күөх уокка…
Бүгүн, балаҕан ыйын 16 күнүгэр, өрөспүүбүлүкэ арҕаа өттүгэр, Өлүөнэ аллараа тардыытынан ардах, инчэҕэй хаар түһүөҕэ.…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…