Федеральнай бырайыагынан быйыл 17 тиэргэни тупсарыахтара  

“Уһук Илиҥҥи тиэргэннэри тупсаҕай оҥоруу” федеральнай бырайыагынан Саха сиригэр 17 тиэргэни тупсарыахтара. Ол курдук, бу үлэ Дьокуускайга, Нерюнгригэ, Бүлүүгэ, ону тэҥэ Мэҥэ Хаҥалас уонна Нам оройуоннарын тыа сирин поселениеларыгар ыытыллыаҕа.

Үбүлээһин уопсай кээмэйэ – 112,1 мөл. солкуобай. Итинтэн 111 мөл солкуобайы федеральнай бүддьүөттэн, 1,1 мөл солк. – өрөспүүбүлүкэ бүддьүөтүттэн көрүллүөҕэ.

Нерюнгригэ 11 тиэргэн сирин-уотун тупсарыахтара. Дьокуускайга — Чернышевскай уулусса тиэргэннэрин. Маннык үлэ Мэҥэ Хаҥалас Майа сэл. уонна Нам улууһун Ленскэй нэһилиэгэр ыытыллара күүтүллэр.

Саха сирэ бу бырагыраамаҕа 2022 сылтан кыттар. Урут “Уһук Илиҥҥэ 1000 тиэргэн” диэн ааттанара. Оччолорго 124 тиэргэни уонна дьоҕус паарканы тупсаҕай оҥорбуттара. 2023 сылга 61 тиэргэҥҥэ анаан федеральнай бүддьүөттэн 429 мөл солк. биэрбиттэрэ. Былырыын 16 тиэргэни тупсарбыттара. Бу бырагыраама дойду Бэрэсидьиэнин Владимир Путин сорудаҕынан ыытыллар.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Сиһилии: https://www.sakha.gov.ru/news/11931