Хаартыска: Ил Дархан уонна СӨ Бырабыыталыстыбатын пресс-сулууспата.
Ил Дархан Айсен Николаев Ыалдьыттааһын индустриятын национальнай сойууһун (ОСИГ) бэрэстэбиитэллэрин кытта көрүстэ.
Өрүттэр көрсүһүүгэ 2030 сылга диэри өрөспүүбүлүкэҕэ туризмы сайыннарыы саҥа стратегиятын туһунан кэпсэттилэр. “Соторутааҕыта туризмы сайыннарыы стратегиятын ырытыыбытыгар өрөспүүбүлүкэ кыаҕын, ол иһигэр экстремальнай климат усулуобуйатын учуоттаан туран сэргэх, олоххо сөп түбэһэр докумуон оҥоһуллубутун бэлиэтээбиппит”, — диэн эттэ Айсен Николаев.
Ыалдьыттааһын индустриятын национальнай сойууһун бэрэсидьиэнэ, Госдуума туризмҥа уонна туризм инфраструктуратын сайыннарыыга кэмитиэтин бэрэссэдээтэлин сүбэһитэ Алексей Волков суолталаах докумуон туризмы сайыннарыыга федеральнай стратегия сүрүн соруктарын тутуһан үрдүк таһымнаахтык оҥоһуллубутун бэлиэтээтэ.
Өрүттэр салааны сайыннарыы систиэмэлээх, былаас, биисинэс уонна уопсастыбанньыктар ыкса ситимнээхтик үлэлиэхтээхтэр диэн биир санааҕа кэллилэр.
“Саха сирэ туризмы сайыннарыыга толору бэлэмнээх. Биһиги ыыппыт стратегическай сиэссийэлэрбитигэр урбаан, бырабыыталыстыба бэрэстэбиитэллэрэ уонна көхтөөх уопсастыбанньыктар кыттыыны ыллылар, санааларын эттилэр. Олохтоох дьон дойду иһинээҕи туризмы сайыннарыыга, инфраструктураны оҥорууга, каадырдары бэлэмнээһин бырайыактарын бэйэлэрэ толкуйдаан, тупсаран биэрэн оҥорбуттарын сэргээтибит. Туризмы сайыннарыыга тырааныспар сибээһин хааччыйыы улахан суолталаах. Маны тэҥэ туристарга туһуламмыт үгүс боппуруоһу ырыттыбыт”, — диэн кэпсээтэ Алексей Волков.
Федеральнай эспиэрдэр туризмы сайыннарыыга туһуламмыт инфраструктураны тупсарыыга, каадыр бэлиитикэтигэр уонна маркетинг боппуруостарыгар сыһыаннаах кэккэ кэскиллээх этиилэри киллэрдилэр уонна салгыы бииргэ үлэлэһэр былааннаахтарын биллэрдилэр.
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…