Хаартыска www.sakha.gov.ru
«Полилог. Экспертизы» федеральнай телеграм-ханаалга Айсен Николаев быһа эпиирин ырыттылар.
Ыйытыылартан — быһаарыыларга
Эрэгийиэн салайааччыларын кытта быһаччы сибээс уруккуттан ыйытыыларга эппиэттиир эрэ халыыптан тахсан, толору стратегическай салайыы инструменыгар кубулуйда. Губернатордар олохтоохтору кытта сибээскэ бэрэсидьиэн ыйыытын толорор эрэ буолбакка, дьоһун боппуруостары быһаарарга кыахтарын дьиҥнээхтик арыйаллар. Бу көстүү ураты холобурунан Саха сирин аҕа баһылыгын Айсен Николаевы кытта кэнники быһа эпиир буолбута.
Манна сүрүн пууннары бэлиэтиэххэ наада:
➡️ Биэрии кэмигэр рекорднай ахсааннаах ыйытыы киирдэ – 3000-тан тахса, үгэс буолбут уонна саҥа сибээс ханаалларынан хомулуннулар. Итинтэн 44 саамай долгутуулаах боппуруос быһа эпииргэ тахсыбыта, итиннэ Айсен Николаев 3 чаас устата хоруйдаабыта. Өрөспүүбүлүкэ бырабыыталыстыбатын аналитическай биригээдэтэ чопчу быһаарыыны ылыныыга киирбит ыйытыктары систиэмэлээбит, наада буоллаҕына, бырабыыталыстыба уорганнарын үлэтин көннөрөргө көмөлөһүөҕэ.
➡️ Бу быһа линия уратыта диэн, дьону долгутар сытыы боппуруостарга болҕомтону ууруута буолар. Николаев эмп-томп чэпчэтиилэрин уонна эрэгийиэннээҕи салгынынан айанныырга субсидия кэскиллэрин туһунан быһаччы хоруйдары биэрдэ, көрөөччүлэри кытта сытыы тиэмэлэри аһаҕастык ырытар баҕалааҕын көрдөрдө.
➡️ Саҥа көрүҥүнэн ыйытыылары хомуйарга дойду иһинээҕи «Макс» мессенджери актыыбынайдык туһаныы буолла — бу эрэгийиэҥҥэ аан бастакытын. Сүүһүнэн ыйытыылар уопсастыба уонна бырабыыталыстыба икки ардыларыгар кэпсэтиини сыыппараҕа киллэрии көдьүүһүн үрдээһинин көрдөрдүлэр. Олохтоохтору кытта аһаҕас кэпсэтии былаас үлэтин көннөрүүгэ уонна былааска итэҕэли бөҕөргөтүүгэ төрүөт буолан эрэрин бу быһа эпиир көрдөрдө.
Полилог. Экспертиза
14 саастарын туола илик оҕолор Арассыыйаттан тахсалларыгар кыраныысса таһынааҕы пааспардаах буолаллара ирдэнэр -- 2026 сыл…
Аҕам саастаахтар күннэригэр Куокуй нэһилиэгэр аҕам саастаахтар декадалара үөрүүлээхтик арылынна. [gallery ids="245435,245436,245437,245438"] Баһылык Лев Павлов…
Күһүн кыстыкка киириигэ оҕо ыалдьыа суохтаах диэн этэллэр. Ол эрээри, субу оҕо саадыгар, оскуолаҕа киирээри…
Саха сиригэр номнуо X төгүлүн “Орто анал үөрэххэ Мисс уонна Мистер” күрэс ыытыллар. Сыллата таһыма…
ХНТ Генеральнай Ассамблеятын 80‑с сиэссийэтигэр үгэс быһыытынан аан дойду судаарыстыбаларын баһылыктара, бэрэстэбиитэллэрэ мустан, санааларын үллэһиннилэр,…
Бу күннэргэ интэриниэт ситимигэр эр киһи быраабы утары дьайыылары оҥоруох буоларын туһунан видео-устуу тарҕанна. Бу…