Хаартыска: ГИБДД управлениета
Барыллааһын быһыытынан, тохсунньу 29 күнүгэр, киэһэ 21 чааска «Халыма» федеральнай суол 97 килэмиэтиригэр Чурапчы диэкиттэн 20 саастаах суоппар «Тойота Премионы» ыытан иһэн, «МАЗ» массыынаны ситээри утары балаһаҕа тахсыбыт. Утары «УАЗ» массыына иһэрин көрөн, төттөрү уҥа балаһаҕа киирэн, «МАЗ» массыынаны кытары харсыспыт.
«УАЗ» суоппара «иномарканы» кытары харсыһымаары, уҥа диэки урууллаабыт уонна суолу сырдатар уот тирэҕэр баран сааллыбыт.
Инньэ гынан, суол быһылааныгар ылбыт эчэйиилэриттэн «Тойота Премио» суоппара суһал көмө кэлиэн иннинэ тыына быстыбыт. Маны таһынан 2003, 2005 уонна 1985 сыллаах төрүөх пассажирдар араас эчэйиини ыланнар Мэҥэ Хаҥалас балыыһатыгар киллэриллибиттэр. «УАЗ» уонна «МАЗ» суоппардара эчэйиини ылбатахтар.
Билигин суол быһылаанынан бэрэбиэркэ ыытыллар диэн ГИБДД управлениета иһитиннэрдэ.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…