Федеральнай суолга сылгы үөрүн түҥнэри көттүлэр
11.07.2025, 14:43
Бөлөххө киир:
Бүгүн социальнай ситимнэринэн федеральнай суолга биир массыына сылгы үөрүн түҥнэри көппүт видеота тарҕанна. Үгүс киһи дьиксиннэ.
Госавтоинспекция иһитиннэрбитинэн, быһылаан «Умнас» федеральнай суол 55 км Уулаах Аан бөһүөлэгин таһыгар буолбут. Ол курдук, 1992 с.т. суоппар «МАЗДА СХ-5» аһара түргэнник айаннаан иһэн, сылгы үөрүн түҥнэри көппүт. Охсуу күүһэ бэрт буолан, массыына суолтан тахсыбыт.
Суол саахалыгар биир сылгы өлбүт. Суоппар эчэйиини ылбатах.
Массыынаҕа суоппары таһынан кэргэнэ уонна оҕолоро баар эбит. Бары курунан баанан олорбуттар. Суоппар административнай эппиэтинэскэ тардылынна.
Сообщить об опечатке
Текст, который будет отправлен нашим редакторам: