Хаартыска: СИА
Бүгүн Ил Дархан Айсен Николаев «Саха» НКИХ ханаалга «Саха сирэ, иннибит диэки!» биэриигэ атырдьах ыйынааҕы түмүгү таһаарда. Кэпсэтии сайыҥҥы кэмҥэ биир тыҥааһыннаах боппуоруостан – ойуур баһаардарыттан саҕаланна.
Ил Дархан кэккэ улуустарга кураанах этиҥнэр хаһааҥҥытааҕар даҕаны эрдэ туран, сайын саҕаланаатын кытта баһаардар тахсалларыгар төрүөт буолбутун ыйда. Быйыл, уопсайынан, сайыммыт өрөспүүбүлүкэ үрдүнэн кураан, нуорматтан намыһах, сорох улуустарга букатын аҕыйах ардах түспүтүн бэлиэтиир.
Биһиги уоту утары охсуһааччыларбытыгар, олохтоох, атын эрэгийиэннэртэн кэлбит, федеральнай түмсүүлэргэ махтанарын биллэрэр. Олохтоох нэһилиэнньэни кытта ааҕан туран барыта 14 тыһ. киһи баһаары умуруорууга үлэлээбит.
Күн бүгүн сүүрбэттэн арыый тахса баһаар баарын иһитиннэрдэ. Балаҕан ыйын саҥатыгар сэттэ-аҕыс баһаар хаалыа диэн эрэнэрин биллэрдэ.
“Кэлиҥҥи сылларга дойду бэрэсидьиэнин таһымыгар ылыныллыбыт быһаарыылар, үбүлээһин эбиллитэ, ыстаат ахсаанын эбии көмөлөрүнэн, 2021 сыллаахха курдук балаһыанньаны кутталлаах киритиичэскэй таһымҥа тиэриэрдибит. Кэккэ улуустарга, бастатан туран, Өлүөхүмэ, Үөһээ Бүлүү улуустарыгар, улаханнык курааннаан, ыктарыылар үөскүү сырыттылар эрээри, баһаар нэһилиэнньэлээх пууннарга киирбэтэ. Бу быйылгы сезон сүрүн түмүгэ.
Биллэн турар, эһиилги сайыҥҥа бэлэмнэнэбит. Судургута суох буолара буолуо. Бэрэсидьиэн бэс ыйын 18 күнүгэр Саха сиригэр кэлэ сылдьыытын түмүгэр ылбыт быһаарыытынан, быйыл федеральнай үбүлээһин 1 млрд 600 мөл. солкуобайтан 2 млрд 700 мөл. солк. диэри эбилиннэ” – диэн Ил Дархан эттэ. Үбүлээһин эбиллиитэ арҕаа улуустарга саҥа авиа сулууспа салааларын тэрийэргэ, уопсайынан, баһаары умулларар үлэҕэ улаханнык көмөлөһүөҕэ диэн бэлиэтээтэ.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…