Федор Охлопков аатынан ыраах дистанцияҕа ытыыга турнир РФ Сэбилэниилээх күүстэрин чөмпүйэнээтин статуһун ылла

Аатырбыт  снайпер, Сэбиэскэй Сойуус Дьоруойа Федор Матвеевич Охлопков аатынан ыраах дистанцияҕа ытыыга аһаҕас турнир Арассыыйа Федерациятын Сэбилэниилээх күүстэрин чөмпүйэнээтин дьиссипилиинэтин  “бойобуой снайпинг” диэн саҥа официальнай статустаммытын туһунан  СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.

“Турнир суолтата улаатар. Билигин биһиги турнирбыт РФ Сэбилэниилээх Күүстэрин чөмпүйэнээтин статуһун ылбытын туһунан быһаарылынна”, —— диэн СӨ Ил Дархана Айсен Николаев бэлиэтээтэ.
Турнир саҥа статуһа – бу снайперскай ускуустубаны сайыннарыыга  сүҥкэн улахан үлэ ыытыллыбытын билинии. 2025 сыл алтынньытыгар Дьокуускайга 200 ытааччы, итиэннэ Арассыыйа бойобуой снайпиҥҥа федерациятын судьуйалара, бойобуой судьуйалар кэлэллэрэ күүтүллэр.
Арассыыйаҕа снайперскай ускуустубаны сайыннарыыга ураты инфраструктура тэриллэр. Саха сиригэр дойду үрдүнэн биир улаханынан биллэр “Сулус” полигон тутуллубута, оттон Приморьеҕа снайпердары бэлэмниир “Восток” киин аһыллыаҕа.
“Снайпердар үлэлэрэ инникилээх. Биһиги тыһыынчанан байыастарбыт  байыаннай дьайыы зонатыгар өстөөҕү  окуопаттан быктарбаттар”, —— диэн вице-премьер – РФ Бэрэсидьиэнин Уһук Илиҥҥэ боломуочуйалааҕа Юрий Трутнев этэр.