Андрей Сорокин хаартыскаҕа түһэриитэ
Саха номоххо киирбит снайпера, Сэбиэскэй Сойуус Дьоруойа Федор Матвеевич Охлопков аатынан ыраах дистанцияҕа ытыыга аһаҕас турнир Арассыыйа Федерациятын Сэбилэниилээх күүстэрин чопчу ытыыга «бойобуой снайпинг» дьиссипилиинэтин чөмпүйэнээтин статуһун ылыаҕа. Бу туһунан Ил Дархан Айсен Николаев иһитиннэрдэ.
Быйыл алтынньыга Дьокуускайга III турнир ыытыллыаҕа. Айсен Николаев күрэхтэһиигэ бэлэмнэниини бэрэбиэркэлээтэ уонна тэрийэр кэмитиэккэ сорудаҕы биэрдэ.
«Биһиги Сэбиэскэй Сойуус Дьоруойа Федор Матвеевич Охлопковка анаммыт ыраах дистанцияҕа ытыыга аһаҕас турниры үһүс төгүлүн ыытар кэммит чугаһаата. Тэрээһин үчүгэй форматтаах, турнир статуһа үрдээн иһэр. Биһиги турнирбыт Арассыыйа Федерациятын Сэбилэниилээх күүстэрин чопчу ытыыга «бойобуой снайпинг» дьиссипилиинэтин чөмүйэнээтин статуһун ыларын туһунан быһаарыы баар», — диэн Айсен Николаев эттэ. Баһылык тэрийэр кэмитиэккэ полигоҥҥа, харабыл зонатыгар киирэр сирин тупсаран оҥоруу боппуруостарын быһаарарга сорудахтаата.
Тэрийээччилэр этэллэринэн, күрэхтэһиигэ 200-тэн тахса киһи, ону тэҥэ Арассыыйа бойобуой снайпинг Федерациятын судьуйалара уонна байыаннай судьуйалар кытталлара күүтүллэр. Турнир быйыл РФ Успуорка министиэристибэтин уонна «Сулус» үөрэтэр-успуорт киинин Биир кэлим халандаарынай былааныгар Успуорт эбийиэктэрин Бүтүн Арассыыйатааҕы реестиригэр киллэриигэ үлэ барар.
Турнирга сүүмэрдиир түһүмэх быһыытынан быйыл муус устар 12 күнүгэр быһыллыбыт саанан ытыыга өрөспүүбүлүкэтээҕи күрэхтэһии 2 түһүмэҕэ ыытылынна.
«Охотснайпинг РС(Я)-2025» 140 спортсмен кыттынна. Олунньуга буолбут бастакы түһүмэххэ 120 күрэсчит кыттыбыта. Үһүс түһүмэх балаҕан ыйын 13 күнүгэр ыытыллара былааннанар.
Социальнай ситимнэринэн полицейскай Покровскай куорат 51 саастаах олохтооҕун улаханнык сынньыбытын туһунан иһитиннэрии улахан аймалҕаны таһаарда.…
Сунтаар улууһун Бордоҥ сэлиэнньэтин 1991 сыллаах төрүөх олохтооҕо ийэтинээн дэриэбинэттэн 4 км тэйиччи сытар Быһыр…
Атырдьах ыйын 18 күнүгэр РФ уонна СӨ бочуоттаах бэтэрээнэ, тыыл бэтэрээнэ Татьяна Гуляева 100 саастаах…
«ВОИН» кииҥҥэ пилота суох технологиялар эйгэтигэр исписэлиистэр үлэлэрин-хамнастарын түмэр уонна сүрүннүүр киин тэрилиннэ. Кинилэр саҥа…
Бүгүн Екатеринбурга Арассыыйатааҕы боксаҕа чөмпүйэнээтигэр Саха сирин сүүмэрдэммит хамаандатын икки боксера кыттыылаах чиэппэр финал киирсиилэрэ…
Дьокуускайга полицейскайдар баан каартатыттан харчы уоруутугар уорбаланааччыны туттулар. Бу туһунан ИДьМ сулууспатын«Дьокуускайдааҕы» салаатын пресс-сулууспата иһитиннэрэр.…