Фейк-сонуннары тарҕатааччыларга сокуон күүһүрэр

Аармыйа туһунан сымыйа сураҕы, фейк-сонуннары тарҕатааччылар, буойуттар уонна кинилэр ытык ааттарын киртитээччилэр  харчыларыттан, сыаналаах малларыттан матыахтарын, ону тэҥэ байыаннай дуоһунастарыттан уһуллуохтарын сөп.

Бу туһунан 2024 сыл олунньу ыйын 14 күнүгэр 11 №-дээх  ылыныллыбыт федеральнай сокуон бүгүҥҥэттэн,  олунньу 25 күнүттэн, күүһүгэр киирэр диэн «Парламентская газета» биллэрэр.

Ону кытта саҥа үлэҕэ киирбит федеральнай сокуонунан, Арассыыйаҕа куттал суох буолуутун утары  үлэни  ыытааччылар, үбүнэн-харчынан хааччыйааччылар, итиэннэ аһаҕастык уонна иҥсэ санаанан буруйу оҥорооччулар эмиэ буруйданыахтара.

Арассыыйаҕа куттал суох буолуутун утары  үлэлэр ахсааныгар наймылаһыы, геноцидтааһын, дезертирдээһин, бирикээһи толорботох буойуттар уонна бандьыыттааһын киирэллэр. Итинник хамсааһыннары кытары диверсионнай хайысхалаах буруйдары оҥоруу эмиэ барыта ааҕыллар.

Бэлиэтээн эттэххэ, чуолаан буруйу оҥорууга туһаныллыбыт сыаналаах маллар уонна үп-харчы  былдьаныаҕа.