ХААРТЫСКАНЫ ОҤОҺУУ ӨЙ ОҤОРДО.
“70-80-с сылларга төрөөбүт дьоҥҥо судаарыстыбаттан босуобуйа төлөнөр, онон бу ыйыллыбыт сигэҕэ киириҥ” диэн иһитиннэрии ааспыкка мессенджергэ биир бөлөххө тарҕаммытын дьон итэҕэйэн, кэпсэтии-ипсэтии оргуйан олороро. Ону хата, хайа эрэ биир киһи туһааннаах сигэ түөкүттэр угаайылара диэн өйдөтөн этэн турардаах.
Оҕуруктаах өйдөөх түөкүттэр албастара күн-түүн уларыйа турар. Холобур, “Авиа-хампаанньа туһааннаах сигэнэн босхо билиэттэри биэрэр”, “Бу сигэҕэ киирдэххинэ, чэпчэтиинэн туһанаҕын” диэн иһитиннэриилэр мессенджергэ, социальнай ситимнэргэ ордук бырааһынньык чугаһаатаҕына элбииллэр. Бу маны үгүс өттүгэр саастаах дьон, оҕолор итэҕэйэн, түөкүттэр хабалаларыгар киирэн биэрэллэр.
Бу ньыма хайдах үлэлиирий?
Хара санаалаах түөкүттэр Судаарыстыбаннай өҥө порталын аатыттан мессенджергэ “ахсынньытааҕы төлөбүрү”, босуобуйаны, биэнсийэҕэ эбии төлөбүрү толорторон ыыт диэн иһитиннэриилэри тарҕаталлар. Маннык иһитиннэриилэр хайаан да сигэ состороонньолоох буолаллар. Ол эбэтэр, дьон маны ааҕан баран босуобуйа оҥортороору туһааннаах сигэнэн киирэр, ол гынан баран, биир да кэппиэйкэ түспэт. Хата ол оннугар, тута түөкүттэр ханаалларыгар суруттарбыттарын (подписка) билбэккэ да хаалар.
Сурутуу туохха тириэрдэрий?
Туһанааччы сигэнэн киирдэ даҕаны, түөкүттэр ханаалларыгар быһалыы суруттарар. Ол онно дьэ сокуоннайа суох онлайн-казиноҕа, «мэктиэлэммит дохуоту ылыыга инвестициялааһын» сервиһигэр, туһалаах курдук эрээри, төттөрүтүн кутталлаах бырагыраамаларга киллэрэллэр. Бу ньыма сыала-соруга — социальнай төлөбүрү биэрии буолбакка, эһиги харчыгытын суйдааһын. Төлөпүөҥҥүтүгэр, көмпүүтэргитигэр киирэн, дааннайдаргытын ылаллар, үспүйүөннүүр бырагырааманы хачайдыыллар.
Официальнай порталга бэрэбиэркэлээҥ
Өскөтүн Судаарыстыбаннай өҥө порталын аатыттан суһал төлөбүр оҥоһулларынан, туһааннаах сигэнэн киириҥ диэтэхтэринэ, олох итэҕэйимэҥ. Баҕар, официальнай сурук дии саныаххыт. Ол гынан баран, араас төлөбүрдэр, босуобуйалар тустарынан иһитиннэриилэр Судаарыстыбаннай өҥө официальнай порталыгар биитэр сыһыарыыга кэлэллэрин өйдөөҥ. Мээнэ түбэһиэх сигэлэргэ кииримэҥ.
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…
Ил Дархан Туһаайан этиитигэр эппитинэн, Култуура сылыгар Муусука үрдүкү оскуолата уонна Арктикатааҕы эпос, ускуустуба киинэ…
Аркадий Новиков төрүттээбит “Көөчөөн көрө” мини тыйаатырын салайааччыта, СӨ култууратын үтүөлээх үлэһитэ Анна Охлопкова айар…
Мэҥэ Хаҥалас улууһугар байыаннай дьайыы бэтэрээнэ Айнар Слепцов парикмахерскай солуонун үөрүүлээх быһыыга-майгыга арыйда. Бу туһунан…
Ахсынньы 19 күнүн дьыбардаах киэһэтигэр ахсынньы аам-даам тымныытын аахсыбакка, дьон-сэргэ Тойбохой килбэйэр киинигэр турар Клара…