Феодосия Васильевна Габышева, Ил Түмэн дьокутаата:
— Саха киһитин уонна норуотунан талыллыбыт дьокутаат буоларым быһыытынан, сыл ахсын өрөспүүбүлүкэбит Ил Дарханын Анал этиитин долгуйа ылынабын. Бу эрэгийиэммит олоҕор-дьаһаҕар, сайдыытыгар олус улахан суолталаах. Ил Дархаммыт олоххо көрүүтэ киэҥэ, мындыра өрүү сөхтөрөр. Биир да эйгэ кини болҕомтотун ылбакка хаалбат.
Айсен Сергеевич 2018 сыллаахха бастакы Анал этиитин олох умнубаппын. Онно да этиллибитин курдук мэдиссиинэ, тыа хаһаайыстыбата, нэһилиэнньэ дьарыктаах буолуута, үөрэхтээһин уонна национальнай бырайыактар, араас хайысхалар өрүү инники күөҥҥэ сылдьаллар. Хомойуох иһин кэнники сылларга киһи күүппэтэх быһыыта-майгыта буолуталаата, балар бары өрөспүүбүлүкэбит дьаһалтатыттан суһал быһаарыныылары ирдииллэр. Уустук балаһыанньаттан тахсыы уһуну-киэҥи толкуйдааһынтан, сөптөөх суолу тобулууттан уонна суһал былааны олоххо киллэрииттэн улахан тутулуктаах. Бу барыта үгүс сыраны-сылбаны эрэйэр. Онон Ил Дархаммыт бүгүҥҥү Анал этиитэ Сахабыт сирин сайдыытын саҥа саҕахтарыгар туһуланарыгар саарбахтаабаппын. Саҥа үүнүөхтээх Учуутал сылыгар эрэгийиэннээҕи үөрэх ситимигэр саҥа этиилэр, инвестиционнай бырайыактар баар буолуохтарын баҕарабын.
Бүгүн Аан дойдуга Түмэл күнэ. Бу бэлиэ күнүнэн Емельян Ярославскай аатынан Хотугу норуоттар устуоруйаларын уонна…
Ыам ыйын 18 күнүнээҕи туругунан, Өлүөнэ өрүскэ муус барыыта Нам улууһун сиринэн-уотунан бэлиэтэнэр. Дьону Аллараа…
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…
Харбиҥҥа Арассыыйа-Кытай VIII Экспо чэрчитинэн, Саха Өрөспүүбүлүкэтин бырабыыталыстыбатын бэрэссэдээтэлин бастакы солбуйааччы Дьулустаан Борисов Beijing Jianlong…