Бүгүн социальнай ситиминэн Дьокуускай куоракка Назаровтар диэн ыал иллэрээ күн Бааһынай ырыынагыттан 5100 солкуобайга 2 куул хортуоппуйу атыыласпыттарын, ол хортуоппуйдарын хаачыстыбата мөлтөҕүн, туох эрэ хортуоппуй ыарыыта быһыылаах диэн дьиксиммит видеолара тарҕанна.
Видеоҕа бу ыал атыыласпыт хортуоппуйдара таһыттан харааран тахсыбыта көстөр. Хортуоппуйдарын ис өттө кытта харааран тахсыбытын туһунан этэллэр.
Ким баҕарар манныкка түбэһиэн сөптөөҕүн болҕомтоҕо ылан, Бэтэринээрийэ департаменыттан туоһуласпыппытынан, хортуоппуйу атыылаһыах иннинэ хайаан да фитосанитарнай ыспыраапканы ирдиэхтээх эбиккин. Хортуоппуй, атын оҕуруот аһын да атыылаһааччылар итинник ыспыраапканы ирдииргитин умнумаҥ.
Онон кыстыыр аһын атыылаһаары хоромньуну көрсүбүт ыал хортуоппуйдарын хаачыстыбата мөлтөх буоллаҕына, хаачыстыбаҕа сыһыаннааҕын быһыытынан Роспотребнадзор тэрилтэҕэ тиийэн сайабалыанньа биэриэхтэрин наада. Ону тэҥэ атыыласпыт сиргитигэр хортуоппуйгутун туппутунан тиийдэххитинэ, төннөрүөхтэрэ дии саныыбыт. Уонна сытыйбыт хортуоппуйгутун Бааһынай ырыынагар баар Бэтэринээринэй-чинчийэр лабораторияҕа илдьэн анаалыстатыаххытын эмиэ сөп. Онон маннык түбэлтэҕэ түбэстэххитинэ, уһаппакка-кэҥэппэккэ быһаарсаргыт ордук буолуоҕа.
Хаартыска: кэлии хортуоппуй.
Ааптар түһэриитэ
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…
Харбиҥҥа Арассыыйа-Кытай VIII Экспо чэрчитинэн, Саха Өрөспүүбүлүкэтин бырабыыталыстыбатын бэрэссэдээтэлин бастакы солбуйааччы Дьулустаан Борисов Beijing Jianlong…
Нам улууһун территориятыгар ыксаллаах быһыы-майгы эрэсиимэ биллэрилиннэ. Бу туһунан улуус дьаһалтатын пресс-сулууспата иһитиннэрдэ. Бүгүн, ыам…
Сааскы кустааһын сезона саҕаланыаҕыттан, хомойуох иһин, өрөспүүбүлүкэҕэ киһи өлүүлээх хас да түбэлтэ таҕыста. СӨ…
Саха сирэ Кытай Норуодунай Өрөспүүбүлүкэтин Цзянси провинциятын кытары доҕордуу сибээс туһунан Сөбүлэһии түһэристэ. Арассыыйа -…