Хаартыска: www.sakha.gov.ru
Ытыктабыллаах Саха сирин олохтоохторо!
Саха Өрөспүүбүлүкэтин салалтатын уонна тус бэйэм ааппыттан Физкультурник күнүнэн эҕэрдэлиибин!
Быйылгы бырааһынньык Арассыыйаҕа уонна Саха сиригэр физкультурнай хамсааһын 100 сылыгар ананарынан бэлиэ!
Саха сирин дьоно-сэргэтэ көхтөөх олоҕу ордорор, успуорду сөбүлүүр. “Спорт-норма жизни” федеральнай бырайыак баар буолан, биһиги эти-хааны эрчийиинэн, успуордунан утумнаахтык дьарыктанар дьоммут ахсаанын биллэ эптибит. 2022 сылга 39 бырыһыантан, быйылгы сылга 55 бырыһыаҥҥа тиийдэ.
Күн бүгүн өрөспүүбүлүкэҕэ успуорт 102 көрүҥүнэн дьарыктаналлар, 75 успуорт федерацията үлэлиир. Кэлиҥҥи биэс сылга 32 эбийиэк тутулунна. Куораттарга уонна сэлиэнньэлэргэ дьэндэһэр элбэх хайысхалаах комплекстары таһынан, биһиги хас биирдии дьиэ таһыгар, сквердарга уонна пааркаларга успуорт уонна тренажернай былаһааккалары тэрийэргэ дьулуһабыт.
Сарсыардааҥҥы сэрээккэттэн, “Доруобай нэһилиэк” курдук тэрээһиннэртэн саҕалаан, “Манчаары оонньуулара” төрүт көрүҥнэр спартакиадаларыгар, “Дьулуур” адаптивнай көрүҥнэр спартакиадаларыгар, Саха сирин норуоттарын спортивнай оонньууларыгар тиийэ араас күрэхтэһиилэр ыытыллаллар, үчүгэй бырайыактар олоххо киирэллэр. Быйыл “Спортивные якутяне” үөрэнээччилэр комплекснай спартакидаларын сөргүттүбүт, күрэхтэһии бары түһүмэҕэр 63 тыһ. тахса үөрэнээччи кытынна.
2024 сылга Дьокуускай куоракка “Азия оҕолоро” норуоттар икки ардыларынааҕы сайыҥҥы VIII оонньуулар ыытыллыахтара. Аан дойду таһымнаах успуорт бырааһынньыгар, үгэс быһыытынан, араас дойдулар, Арассыыйа эрэгийиэннэрин эдэр спортсменнара кэлиэхтэрэ.
Биһиги бастыҥ спортсменнарбыт Бүтүн Арассыыйатааҕы, норуоттар икки ардыларынааҕы түһүлгэлэргэ үрдүк ситиһиилэринэн, кинилэр дьоһуннаах көрдөрүүлэринэн киэн туттабыт. Ааспыт биэс сылга Арассыыйа 200-тэн тахса, Европа 40-тан тахса, аан дойду 35 чөмпүйүөнэ иитиллэн таҕыстылар. Бу, Саха сирэ дойду саамай спортивнай эрэгийиэннэриттэн биирдэстэрэ буоларын туоһулуур.
Бүгүҥҥү бэлиэ күнүнэн успуорт бары бэтэрээннэригэр, тириэньэрдэргэ, биирдиилээн сэҥээрээччилэргэ, тэрийээччилэргэ, чөл олоҕу тарҕатыыга, саҥа талааннары арыйыыга уонна ааттаах-суоллаах спортсменнары иитэн таһаарыыга сыһыаннаах дьоҥҥо, эһиги улахан туһалаах үлэҕит иһин махтанабын.
Саҥа саҕалааһыннарга уонна үрдүккэ дабайыыга ситиһиилэри, кытаанах доруобуйаны уонна уостубат күүһү, өрөспүүбүлүкэбит, дойдубут сайдыытын туһугар саҥа толкуйдары!
СӨ Ил Дархана Айсен Николаев.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…