Физкултуура олимпиадатыгар кыттар бастакы хамаанда кэллэ

Физкултуураҕа Бүтүн Арассыыйатааҕы олимпиада түмүктүүр түһүмэҕэр кыттар бастакы хамаанда — 60 үөрэнээччилээх Москва дэлэгээссийэтэ Дьокуускайга көтөн кэллэ.

Олимпиада муус устар 12-19 күннэригэр ыытыллыаҕа итиэннэ успуорт-үөрэх саамай далааһыннаах тэрээһининэн буолуоҕа.

Дойду 79 эрэгийиэниттэн өссө 300-чэкэ киһи кэлэрэ күүтүллэр.
Кыттааччылар физкултуураҕа эрэ буолбакка, 20-тэн тахса үөрэх дьиссиппилиинэтигэр күрэхтэһиэхтэрэ.
Олимпиада ситиһиилээхтик ааһарын туһугар тэрийэр үлэ күүскэ барар. Биһиги сорукпут — тэрээһини үрдүк таһымнаахтык ыытыы уонна үөрэнээччилэр билиилэрин, талааннарын олоччу көрдөрөллөрүгэр усулуобуйаны тэрийии диэн бырабыыталыстыба бэрэссэдээтэлин солбуйааччы Анатолий Семенов телеграм-ханаалыгар суруйар.