Хаартыска: pxhere.com/ru/photo
СӨ Дьокуускай куорат суутугар РФ ХК 111-с ыстатыйатын 1-кы чааһынан (соруйан ыар буортуну оҥоруу) көрүллүбүт буруйу оҥорууга буруйданар уол дьыалата көрүлүннэ.
Сууттанааччы К. этэринэн, былырыын муус устар 10 күнүгэр физкултуура уруогун кэмигэр кылааһын уолаттарын кытта баскетбол оонньообуттар. Утары хамаандаҕа эмсэҕэлээччи М. оонньообут, кини оонньуу кэмигэр быраабыланы хаста да кэспит. К. киниттэн быраабыланы тутуһан оонньууругар көрдөспүтүгэр, М. быдьар тылынан хоруйдаабыт. Аахсыы кэмигэр мөккүһэн турбуттарын бииргэ үөрэнэр уолаттара араарбыттар. Ол эрээри, сууттанааччы эмсэҕэлээччи уолу түөһүгэр күүскэ анньыбыт. Онно хоруйдаан К. кылааһын уолун уҥа хараҕын сутуругунан биирдэ охсубут.
Бу кэмҥэ физкултуура учуутала кэлэн, туох буолбутун быһаарса сатаабыт. Уруок кэнниттэн уон биирис кылаас үөрэнээччилэрэ таҥас уларыттар хоско баран эйэлэспиттэр. Охсуһуу түмүгэр эмсэҕэлээччи М. мэйиитин эчэппит, ол иһигэр, уҥа хараҕа көҕөрбүт. Суут кэмигэр сууттанааччы буруйун толору билинэрин, оҥорбутуттан ис сүрэҕиттэн кэмсинэрин эппит.
РФ ХК 111-с ыстатыйатын 1-кы чааһынан буруйдаах уол буруйдааҕынан билинилиннэ уонна 2 сыл тургутар болдьохтоох 2 сылга усулуобунай көҥүлэ быһылынна.
Суукка быһаарыллыбытынан, буруйдаммыт киһи итирик туруктаах сылдьан массыынаны ыыппыта биллибит. Онон, РФ ХК 264.1 ыст.…
Госдуумаҕа адаптивнай больничнай туһунан сокуон бырайыагын киллэрээри гыналлар, оччоҕо үлэһит ыалдьа олорон үлэлиир кыахтанар, хамнаһыгар…
Бэйэлэрин тула дьону түмэр, хамсатар, уопсастыбаннай үлэнэн дьарыктанан, тулалыыр эйгэлэрин тупсарар дьон баар буолаллар. Эдэр…
Байыаннай дьайыы саҕаланыаҕыттан Саха сирин олохтоохторо ким-туох кыахтааҕынан көмөлөһө олороллор. Бу барыта үтүө санаалаах дьон…
Билигин маҕаһыынтан эрэ буолбакка, оннооҕор эмтиэкэттэн табаары уораллар эбит. Дьокуускай куоракка полицейскайдар эмтиэкэттэн табаары уорбут …
Аллайыаха улууһун кииниттэн, Чокуурдаахтан 141 килэмиэтир тэйиччи сытар кыракый Оленегорскай нэһилиэгин олохтоохторо байыаннай дьайыыга анаан…